الماتى قالاسىنىڭ ناۋرىزباي اۋدانىندا سەل قاۋپىنە بايلانىستى وزەن ارناسى بويىندا تۇراتىن تۇرعىنداردى الدىن الا ەۆاكۋاتسيالاۋ جۇرگىزىلىپ جاتىر. بۇل تۋرالى تجم ءمالىم ەتتى.

ازاماتتاردىڭ قاۋىپسىزدىگىن قامتاماسىز ەتۋ ماقساتىندا ولار ناۋرىزباي اۋدانىنداعى مەكتەپتەر بازاسىندا اشىلعان ۋاقىتشا قابىلداۋ پۋنكتتەرىنە ورنالاستىرىلىپ جاتىر.

جەدەل شتاب قۇرىلىپ، ازاماتتىق قورعاۋ قىزمەتتەرى جۇمىس ىستەۋدە. سونداي-اق 8 (727) 279-22-32 ءنومىرى بويىنشا جەدەل جەلى ىسكە قوسىلدى.

بارلىق ءىس-شارالار جوسپارلى تۇردە جۇزەگە اسىرىلۋدا، جاعداي تولىق باقىلاۋدا.

بۇدان بۇرىن الماتى قالاسىنىڭ توتەنشە جاعدايلار دەپارتامەنتى قالا تۇرعىندارى مەن قوناقتارىنا ۇندەۋ جاساپ،  تاۋلى ايماققا بارماۋعا شاقىرعان ەدى.

Abai.kz