كاسپي قۇبىر كونسورتسيۋمى (كتك) ءۇش ايعا سوزىلعان ۇزىلىستەن كەيىن قايتادان تولىق قۋاتىنا شىقتى.

بيىل اقپاندا ۋكراينا دروندارىنىڭ شابۋىلىنان كەيىن رەسەيدەگى نەگىزگى سورعى ستانتسياسى – كروپوتكين زاقىمدانىپ، قازاق مۇنايىنىڭ ەكسپورتى ايتارلىقتاي قيىندىققا ۇشىراعان.

جوندەۋ جۇمىستارى اياقتالعان سوڭ، قۇبىر قايتا تولىق قۋاتىندا جۇمىس ىستەپ، قازاقستان تاۋلىگىنە 1,6 ميلليون باررەل مۇنايدى الەمدىك نارىققا جونەلتۋ مۇمكىندىگىنە يە بولدى.

قازىر كتك جۇيەسى شتاتتىق رەجيمدە جۇمىس ىستەپ تۇر. قۇبىر ارقىلى رەسەي مۇنايى ەندى تاسىمالدانبايدى. كونسورتسيۋمنىڭ ايتۋىنشا، بۇل قادام ۋكراينا تاراپىنان جاڭا شابۋىلداردىڭ الدىن الۋ ءۇشىن جاسالعان.

بۇل نەگە ماڭىزدى؟

كتك – قازاقستان مۇنايىنىڭ نەگىزگى ەكسپورتتىق ارتەرياسى. قازاق مۇنايىنىڭ 80 پايىزى وسى قۇبىر ارقىلى وتەدى. ونىڭ تۇراقتى جۇمىس ىستەۋى ەلىمىزدىڭ ەكونوميكالىق قاۋىپسىزدىگى ءۇشىن اسا ماڭىزدى. بىراق ۋكرايناداعى سوعىس جالعاسىپ جاتقاندىقتان، قۇبىرعا تونگەن قاتەر تولىق سەيىلدى دەۋگە ءالى ەرتە.

Abai.kz