قازاقستاندا مامىر ايىنىڭ سوڭعى كۇندەرى سۋىق اۋا رايىمەن جالعاسادى.

ەل اۋماعىندا نايزاعايمەن جاۋىن-شاشىن اكەلگەن تسيكلوننان كەيىن ەندى سولتۇستىكتەن انتيتسيكلون ىعىسا باستايدى. بۇل قۇبىلىس باتىس ايماقتاردا جاۋىن-شاشىننىڭ توقتاۋىنا، ال سولتۇستىك وڭىرلەردە اۋا تەمپەراتۋراسىنىڭ ايتارلىقتاي تومەندەۋىنە سەبەپ بولماق.

سينوپتيكتەردىڭ بولجاۋىنشا، تۇنگى ۋاقىتتا اياز كۇتىلەدى:

25 مامىردا – باتىس قازاقستان وبلىسىندا;
25 مامىردا – اقتوبە، قوستاناي، اقمولا جانە سولتۇستىك قازاقستان وبلىستارىندا;
26 مامىردا – پاۆلودار وبلىسىندا.
ايازدىڭ كۇشى تۇندە -1...-3°C ارالىعىندا بولۋى مۇمكىن.

سينوپتيكتەردىڭ مالىمەتىنشە، ىستىق جاز سولتۇستىك وڭىرلەرگە ءالى دە جەتپەي جاتىر.

Abai.kz