اۋەسقوي بوكس: شري-لانكانىڭ كولومبو قالاسىندا وتكەن U22 ازيا چەمپيوناتىندا قازاقستان قۇراماسى بارلىق سالماقتا 50 سپورتشىمەن قاتىسىپ، 48 جۇلدە (41 التىن، 6 كۇمىس، 1 قولا) جەڭىپ الدى.

كاراتە: وزبەكستان استاناسى تاشكەنتتە مارەسىنە جەتكەن ازيا چەمپيوناتىندا ۇلتتىق قۇراما سپورتشىلارى 4 التىن، 1 كۇمىس، 5 قولا مەدال ولجالاپ، جالپىكوماندالىق ەسەپتە ءبىرىنشى ورىنعا يە بولدى.

ءجۇزۋ: فرانتسيانىڭ كانەت قالاسىندا ۇيىمداستىرىلعان حالىقارالىق تۋرنيردە ادىلبەك مۋسين مارەگە ەكىنشى جەتىپ، كۇمىس جۇلدەگەر اتاندى.

ۇستەل تەننيسى: يسپانيانىڭ پلادجا-دە-ارو قالاسىندا وتكەن WTT Youth Contender تۋرنيرىندە ءجانيا بەكمۇحامبەتوۆا جەڭىس تۇعىرىنا كوتەرىلدى.

تەننيس: فرانتسيانىڭ ستراسبۋرگ قالاسىندا اياقتالعان WTA 500 تۋرنيرىندە ەلىمىزدىڭ ءبىرىنشى، الەمنىڭ 12-راكەتكاسى ەلەنا رىباكينا توپ جاردى. بۇل – ەلەنانىڭ بيىلعى ماۋسىمداعى العاشقى تيتۋلى.

Abai.kz