ءماجىلىس 2006 جىلعى 4 قىركۇيەكتەگى قازاقستان مەن وزبەكستان ۇكىمەتتەرى اراسىنداعى قازاقستان-وزبەكستان مەملەكەتتىك شەكاراسى ارقىلى وتكىزۋ پۋنكتتەرى تۋرالى كەلىسىمگە حاتتاماعا وزگەرىستەر مەن تولىقتىرۋلار ەنگىزۋ تۋرالى حاتتامانى راتيفيكاتسيالادى. قۇجاتقا 2024 جىلعى 8 تامىزدا استانادا قول قويىلعان.

حاتتاما «سىرداريا – ماليك» جانە «تسەليننىي – وك ولتين» وتكىزۋ پۋنكتتەرىنىڭ مارتەبەسى مەن جۇمىس رەجيمىن «ەكىجاقتى» مارتەبەدەن «حالىقارالىق (كوپجاقتى)» مارتەبەگە اۋىستىرۋ، سونداي-اق جۇمىس رەجيمىن «كۇندىزگى ۋاقىتتان» «تاۋلىك بويى» رەجيمگە وزگەرتۋ كوزدەلگەن.

بۇل وزگەرىستەر وتكىزۋ بەكەتتەرىنىڭ وتكىزۋ قابىلەتىن ارتتىرۋعا، جۇك جانە جولاۋشىلار اعىنىن جەدەلدەتۋگە، سونداي-اق قازاقستان مەن وزبەكستان اراسىنداعى ترانزيتتىك-كولىكتىك الەۋەتتى دامىتۋعا باعىتتالعان.

Abai.kz