«توتەنشە جاعدايلار مينيسترلىگىنىڭ قازسەلدەنقورعاۋ» مم وبلىستىق فيليالىنىڭ باسشىسى سوتتالدى.

شىعىس قازاقستان وبلىسىندا وسكەمەن قالاسىنىڭ № 2 سوتىمەن «توتەنشە جاعدايلار مينيسترلىگىنىڭ قازسەلدەنقورعاۋ» مم وبلىستىق فيليالىنىڭ باسشىسى س. ستانبەكوۆكە قاتىستى ۇكىم جاريالاندى.

ول قالا تۇرعىنىن فيليالعا جالعان جۇمىسقا ورنالاستىرۋ ارقىلى 2,7 ملن تەڭگە جىمقىرعانى ءۇشىن كىنالى دەپ تانىلدى.

وعان مەملەكەتتىك قىزمەتتە جانە كۆازيمەملەكەتتىك سەكتوردا لاۋازىمداردى اتقارۋ قۇقىعىنان ءومىر بويىنا ايىرا وتىرىپ، 3 جىل مەرزىمگە باس بوستاندىعىنان ايىرۋ تۇرىندەگى جازا تاعايىندالدى.

سوت اكتىسى زاڭدى كۇشىنە ەنگەن جوق.

كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكستىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.

Abai.kz