اقوردادان جەتكەن حابارعا سەنسەك، قازاقستان پرەزيدەنتى قاسىم-جومارت توقاەۆتىڭ شاقىرۋىمەن قازاقستانعا 16-17 ماۋسىمدا قىتاي باسشىسى سي تسزينپين كەلمەكشى ەكەن.

اتالعان حابارلمادا: “ساپار بارىسىندا جوعارى دەڭگەيدەگى ەكىجاقتى كەزدەسۋلەر وتكىزۋ جوسپارلانىپ وتىر. سونداي-اق ەكى ەل اراسىنداعى جان-جاقتى ستراتەگيالىق سەرىكتەستىكتى ودان ءارى نىعايتۋ ماسەلەلەرى تالقىلانادى. 17 ماۋسىمدا استانادا ايماقتاعى مەملەكەتتەر باسشىلارىنىڭ قاتىسۋىمەن ەكىنشى «ورتالىق ازيا – قىتاي» ءسامميتى وتەدى”، - دەپ ايتىلادى.

ەگەر ساۋساقتى بۇگىپ سانامالايتىن بولساق، وندا توراعا سي قازاقستانعا وسىمەن التىنشى رەت ات باسىن تىرەپ وتىرعان جايى بار. قىتاي باسشىسى ەلىمىزگە ەڭ سوڭعى رەت بىلتىر شىلدەدە مەملەكەتتىك ساپارمەن كەلىپ، توقاەۆتى "قىمباتتى دوسىم" دەپ اتاپ، پەكين مەن استانا اراسىنداعى قارىم-قاتىناستى "التىن وتىز جىلدىق" دەپ باعالاعاندىعىن بەك جاقسى بىلەمىز.

بۇل ماسەلەنىڭ ەكونوميكالىق جاعىنا كەلەتىن بولساق: قىتاي – قازاقستان تاۋارىنىڭ ەڭ ءىرى يمپورتتاۋشىسى. 2024 جىلى اتالعان ەكى ەل اراسىنداعى ساۋدا كولەمى 43,8 ميلليارد دوللارعا جەتىپ جىعىلدى. بۇل ورايدا ەلىمىز قىتايعا كوبىنە شيكىزات پەن اۋىل شارۋاشىلىعى ونىمدەرىن ساتسا، ول جاقتان كيىمنەن باستاپ، ەلەكترونيكاعا دەيىن مىڭداعان تاۋار ءتۇرىن الىپ وتىرعان جايمىز بار ەكەنى دە جاسىرىن ەمەس.

2024 جىلى رەسەيدىڭ رەۆانشيستەرى ەلىمىزگە كوز الارتىپ، اۋزىنا كەلگەندى كوكىگەن شاقتا سي تسزينپين ءوزىنىڭ ماقالاسىندا قازاقستاننىڭ اۋماقتىق تۇتاستىعى مەن تاۋەلسىزدىگىن قولدايتىنىن پۋتلەر رەجىمىنىڭ كوزىن شۇقي ايتقان ەدى.

وسى جولعى ساپاردان ەكى جاقتىڭ ساياسي ءھام ەكونوميكالىق ۇتارى حاق ەكەنىنە كۇمان جوق. ويتكەنى، توراعا سي بوستان بوساقا وزگە ەلگە رەسمي ساپرامەن شىعا بەرمەيدى.

Abai.kz