رەسەيدەن جەتكىزىلگەن امۋر جولبارىستارى الداعى ءبىر اي ىشىندە جابايى تابيعاتقا جىبەرىلۋى مۇمكىن.

قازىر جىرتقىشتار «ىلە-بالقاش» مەملەكەتتىك تابيعي رەزەرۆاتىندا سوڭعى بەيىمدەلۋ كەزەڭىنەن ءوتىپ جاتىر، دەپ حابارلايدى Egemen.kz.

قازىرگى ۋاقىتتا ماماندار جولبارىستاردىڭ وزدىگىنەن قورەك تابۋ قابىلەتى مەن ادامدارعا دەگەن مىنەز-قۇلقىن زەرتتەپ جاتىر. ەكولوگيا جانە تابيعي رەسۋرستار مينيسترلىگىنىڭ مالىمەتىنشە، ەكى ەرەسەك جولبارىستىڭ دا فيزيكالىق جاعدايى تۇراقتى.

ەگەر سوڭعى سىناقتار ءساتتى اياقتالسا، امۋر جولبارىستارى «ىلە-بالقاش» رەزەرۆاتىنىڭ اۋماعىنا جىبەرىلەدى.

ەسكە سالايىق، 27 مامىردا رەسەي پرەزيدەنتى ۆلاديمير پۋتين قازاقستانعا مەملەكەتتىك ساپارمەن كەلدى. ساپار اياسىندا رەسەي پرەزيدەنتى قازاقستانعا ءتورت امۋر جولبارىسىن تارتۋ ەتتى.

Abai.kz