قازاقستاندا ورتالىق ازيا-قىتاي ءسامميتى ءوتۋ جوسپارلانعاننان بەرى الەمدىك باق قىتاي مەن قازاقستاننىڭ بايلانىسى تۋرالى جارىسا جازىپ جاتىر. سولارىدڭ ءبىرى Upstream اقپاراتتىق سايتى.

اتالعان اقپارات ورتالىعىنىڭ جازۋىنشا، 2022 جىلدان بەرى بىرنەشە رەت وتكىزىلگەن اۋكتسيونداردا Ustyurt 2 ۋچاسكەسىنە قىزىعۋشىلىق بولماعان.

«قازاقستان ءىرى قۇرلىقتىق ۋچاسكەگە بارلاۋ جانە يگەرۋ قۇقىقتارىن جەكەمەنشىك قىتايلىق ينۆەستورعا بەردى. بۇل قۇقىقتار ۇسىنىلعان توعىز ۋچاسكەنىڭ تەك تورتەۋىنە عانا يەلىك ەتىلەتىن اۋكتسيون ناتيجەسىندە راسىمدەلدى. ەنەرگەتيكا مينيسترلىگىنىڭ مالىمەتىنشە، Kazakhstan Dinghua Energy كومپانياسى Ustyurt 2 ۋچاسكەسىن بارلاۋ جانە يگەرۋ قۇقىعىن الۋ ءۇشىن 150 ميلليون تەڭگە (شامامەن 297 مىڭ اقش دوللارى) ۇسىنىپ، بۇل كورسەتكىش باستاپقىدا كۇتىلگەن سومادان ەكى ەسە كوپ بولدى. اتالعان ۋچاسكە 5400 شارشى شاقىرىمنان استام اۋماقتى قامتيدى جانە قازاقستاننىڭ ءداستۇرلى مۇنايلى وڭىرلەرىنىڭ ءبىرى – ماڭعىستاۋ وبلىسىندا، كاسپي تەڭىزىنىڭ شىعىس جاعالاۋىندا ورنالاسقان».

ايتا كەتەلىك، Ustyurt 2 ۋچاسكەسى 2022 جىلدان بەرى بىرنەشە اۋكتسيوندا ۇسىنىلعانىمەن، ونىڭ شالعاي ورنالاسۋىنا جانە وسى وڭىردەگى باسقا ۋچاسكەلەردە كوممەرتسيالىق كومىرسۋتەك قورلارىن انىقتاۋ بارىسىندا كەزدەسكەن قيىندىقتارعا بايلانىستى ينۆەستورلار تاراپىنان ايتارلىقتاي قىزىعۋشىلىق بولماعان. بۇل ايماق وزبەكستانمەن شەكارالاس مۇناي-گاز بەلدەۋىنە دە كىرەدى.

«قازاقستاننىڭ كومپانيالار تىزىمىندەگى دەرەكتەرگە سۇيەنسەك، Kazakhstan Dinghua Energy 2024 جىلدىڭ تامىز ايىندا استانادا تىركەلگەن جانە ونىڭ نەگىزگى قىزمەت ءتۇرى – مۇناي مەن ىلەسپە گاز ءوندىرۋ. كومپانيانىڭ جالعىز قۇرىلتايشىسى – ەسىمى بەلگىسىز جەكە تۇلعا. كومپانيا ۋچاسكە قۇقىعى ءۇشىن 297 مىڭ دوللار تولەيتىن بولادى، بىراق ەنەرگەتيكا مينيسترلىگى بەلگىلەگەن شارتتارعا سايكەس، ءبىرىنشى بارلاۋ كەزەڭىندە كەم دەگەندە 15 ميلليون دوللار ينۆەستيتسيا سالۋى قاجەت.

باستاپقى كەزەڭدە شامامەن 1500 شاقىرىم 2D سەيسميكالىق دەرەكتەردى جيناۋ (شامامەن 6 ميلليون دوللار) جانە ءۇش بارلاۋ ۇڭعىماسىن بۇرعىلاۋ (شامامەن 9 ميلليون دوللار) كوزدەلىپ وتىر. اۋكتسيونداعى ەڭ ءىرى ۇسىنىس الماتى Oil Ventures كومپانياسىنان ءتۇسىپ، ول Zharkent ۋچاسكەسىن 809 ميلليون تەڭگەگە (شامامەن 1,6 ميلليون دوللار) جەڭىپ الدى.

Zharkent ۋچاسكەسى 2500 شارشى شاقىرىمنان استام اۋماقتى قامتيدى جانە تۇرىكمەنستاننان قىتايعا قازاقستان ارقىلى وتەتىن ءىرى گاز قۇبىرىنا جاقىن ورنالاسقان جەتىسۋ مەن الماتى وبلىستارىندا ورنالاسقان. Energy Monitor ساراپتامالىق توبىنىڭ دەرەگىنشە، Almaty Oil Ventures كومپانياسى – قازاقستاندىق مۇناي سالاسىنىڭ ينۆەستورلارىنا تيەسىلى. ەنەرگەتيكا مينيسترلىگى اتالمىش كومپانيانىڭ 12 ميلليون دوللار كولەمىندە ينۆەستيتسيا سالىپ، 2D سەيسميكالىق دەرەكتەر جيناپ، ەكى بارلاۋ ۇڭعىماسىن بۇرعىلاۋعا دايىن بولۋى قاجەت ەكەنىن مالىمدەدى.

سونداي-اق، Kokoy جانە Sarysu ۋچاسكەلەرىن تيىسىنشە Taraz Petroleum جانە Earth Oil & Gas كومپانيالارى جەڭىپ الدى. بۇل كومپانيالار دا قازاقستاندا تىركەلگەن جانە جەرگىلىكتى كاسىپكەرلەرگە تيەسىلى. Kokoy ۋچاسكەسى جامبىل وبلىسىندا 1300 شارشى شاقىرىمدى قامتيدى، ال Sarysu – قىزىلوردا جانە تۇركىستان وبلىستارىندا ورنالاسقان جانە شامامەن 2000 شارشى شاقىرىم اۋماقتى الىپ جاتىر.

بۇدان وزگە بەس ۋچاسكە بويىنشا مينيسترلىككە الدىن الا قىزىعۋشىلىق بىلدىرىلگەنىمەن، ونلاين اۋكتسيونعا قاتىسۋشىلار بولماعان. سونىمەن قاتار، 28 مامىردا وتكەن اۋكتسيون الدىندا تاعى ەكى ۋچاسكە باستاپقى قىزىعۋشىلىق بولماعاندىقتان، اۋكتسيوننان الىنىپ تاستالعان»، - دەپ جازاجى اتالعان اقپارات اگەنتتىگى.

Abai.kz