مەملەكەت باسشىسىنىڭ جارلىعىمەن نۇرلان ەرمەكۇلى ساۋرانباەۆ قازاقستان رەسپۋبليكاسىنىڭ كولىك ءمينيسترى لاۋازىمىنا تاعايىندالدى. 

ايتا كەتەيىك، 2025 جىلدىڭ 8 ماۋسىمىنان بەرى بۇل قىزمەت بوس تۇردى. كولىك مينيستىرلىگىن ەكى جىلداي باسقارعان مارات قاراباەۆتى پرەزيدەنت قاسىم-جومارت توقاەۆ قىزمەتىنەن بوساتقان بولاتىن.

سۋ جاڭا كولىك ءمينيسترى نۇرلان ەرمەكۇلى ساۋرانباەۆ تۋرالى نە بەلگىلى؟

نۇرلان ساۋرانباەۆ 1967 جىلى جامبىل قالاسىندا دۇنيەگە كەلگەن. س.م.كيروۆ اتىنداعى قازاق مەملەكەتتىك ۋنيۆەرسيتەتىن ەكونوميست مامىندىعى بويىنشا ءبىتىرىپ، ال 2001 جىلى يتاليادا  ماگيستراتۋراسىن ءبىتىرىپ، مۇناي اكىمشىلىگى ماگيسترى كۆاليفيكاتسياسىن الدى.

-ەڭبەك جولىن 1991 جىلى جەكەمەنشىك كوممەرتسيالىق كومپانيانىڭ باسشىسى رەتىندە باستاپ، بۇل قىزمەتتە 1997 جىلعا دەيىن جۇمىس ىستەگەن.

-1997–1998 جىلدارى – كاسىپكەرلەر كونگرەسىنىڭ اتقارۋشى ديرەكتورى.

-1998–2000 جىلدارى – "قازاقستان تەمىر جولى" رمك دەپارتامەنتىنىڭ ديرەكتورى.

-2000–2002 جىلدارى – "قازاحويل" جاق قۇرامىنداعى "اتىراۋ مۇناي وڭدەۋ زاۋىتى" ااق-نىڭ قايتا جاڭعىرتۋ جوباسىن باسقارۋ توبىنىڭ باسشىسى، ءبىرىنشى ۆيتسە-پرەزيدەنتى جانە باس مەنەدجەرى.

-2002–2004 جىلدارى – "قازمۇنايگاز" ۇك" زاق ينجينيرينگتىك جانە سەرۆيستىك جوبالار دەپارتامەنتىنىڭ ديرەكتورى.

-2004–2007 جىلدارى – "تەڭىزسەرۆيس" جشس-ءنىڭ باس ديرەكتورى.

-2007–2010 جىلدارى – "قازمۇنايگاز" ۇك" اق باسقارۋشى ديرەكتورى.

-2010–2011 جىلدارى – "سامۇرىق-قازىنا" ۇاق" اق باسقارما توراعاسىنىڭ ورىنباسارىنىڭ كەڭەسشىسى، باسقارۋشى ديرەكتورى.

-2011–2014 جىلدارى – يندۋستريا جانە جاڭا تەحنولوگيالار ۆيتسە-ءمينيسترى قىزمەتىن اتقارعان. كەيىن قر قورعانىس ءمينيسترىنىڭ ورىنباسارى قىزمەتىندە بولدى.

-2017 جىلى EXPO-2017 حالىقارالىق مامانداندىرىلعان كورمەسىن ۇيىمداستىرۋ جانە وتكىزۋ ماسەلەلەرى جونىندەگى شتابتىڭ ۇيىمداستىرۋ كوميتەتىن باسقاردى.

-2017 جىلدىڭ قاراشاسىنان 2018 جىلدىڭ ماۋسىمىنا دەيىن شىمكەنت قالاسىنىڭ اكىمى قىزمەتىن اتقاردى.

-2019 جىلدىڭ قاڭتارىنان باستاپ قازاقستان رەسپۋبليكاسى پرەزيدەنتى اكىمشىلىگىندە جۇمىس ىستەدى.

Abai.kz