كولىك ءمينيسترى نۇرلان ساۋرانباەۆ جاڭا تۋريستىك ماۋسىم قارساڭىندا ەل اۋەجايلارىنىڭ جاي-كۇيىن باياندادى.

پرەزيدەنت تاپسىرماسىنا سايكەس، كاتونقاراعاي، زايسان جانە كەندىرلى كۋرورتتىق ايماقتارىندا جاڭا اۋەجايلار سالىنىپ جاتىر.

— ارقالىق قالاسىنىڭ اۋەجايى قالپىنا كەلتىرىلۋدە. بالقاش اۋەجايى كۇردەلى جوڭدەۋدەن ءوتىپ، تۋريستەردى قابىلداپ جاتىر. ءۇرجار اۋەجايى جۇمىس ىستەپ تۇر، بيىل ونداعى تەرمينالدى جاڭعىرتۋ جۇمىستارى باستالدى، — دەدى كولىك ءمينيسترى ۇكىمەتتىڭ بۇگىنگى وتىرىسىندا.

جىل سوڭىنا دەيىن اۋە پاركىنە تاعى 6 ۇشاق قوسىلادى. ال 2030 جىلعا قاراي ۇشاقتار سانى 160-قا جەتەدى.

— ىشكى اۋە رەيستەرى وڭىرلەر اراسىنداعى بايلانىستى نىعايتۋ ءۇشىن وتە ماڭىزدى. جازعى ماۋسىمدا الاكولگە ء(ۇشارال، ءۇرجار), بالقاشقا، تۇركىستانعا، بۋرابايعا (كوكشەتاۋ) جانە كاسپي تەڭىزىنە (اقتاۋ) اۆيامارشرۋتتار بويىنشا رەيستەر ورىندالۋدا. جازعى كەزەڭدە اتالعان باعىتتار بويىنشا اپتاسىنا 45 رەيس ورىندالىپ ءجۇر، — دەدى ن. ساۋرانباەۆ.

ايتا كەتەيىك، قازاقستاننىڭ تۋريستىك ورىندارىنا اپاراتىن جولدار جوندەۋدەن ءوتىپ جاتىر. بيىل الماتى-وسكەمەن جولىنداعى جۇمىستار اياقتالىپ، جول ءجۇرۋ ۋاقىتى 4 ساعاتقا قىسقارعان.

وعان قوسا، قازاقستاننىڭ 124 ۆوكزالى جاڭعىرتۋدان ءوتىپ، جاڭادان سالىنىپ جاتىر. قازىر كوكشەتاۋ، بۋراباي كۋرورتى، قوناەۆ، كوكتۋما، اقشي، مانكەنت، جانە بالقاش-2 ۆوكزالدارىندا جۇمىستار اياقتالدى.

سۇرانىستىڭ ارتۋىنا بايلانىستى ەلدەگى تۋريستىك باعىتتارعا قوسىمشا 15 پويىز جۇرە باستايدى.

Abai.kz