پرەزيدەنتتىڭ قازاقستاندا شەتەلدىك جوعارى وقۋ ورىندارىنىڭ فيليالدارىن اشۋ جونىندەگى تاپسىرماسىن ىسكە اسىرۋ اياسىندا عىلىم جانە جوعارى ءبىلىم مينيسترلىگى فرانتسيانىڭ جەتەكشى ينجەنەرلىك مەكتەبى – Grenoble INP – Phelma, UGA ۋنيۆەرسيتەتىمەن 2026 جىلى Satbayev University بازاسىندا فرانتسۋز تەحنيكالىق ۋنيۆەرسيتەتىنىڭ فيليالىن اشۋ تۋرالى كەلىسىمگە قول جەتكىزدى، دەپ حابارلايدى BAQ.KZ.

كەلىسىمگە قول قويۋ ءراسىمى قر عىلىم جانە جوعارى ءبىلىم ءمينيسترى ساياسات نۇربەكتىڭ جانە فرانتسيانىڭ قازاقستانداعى ەلشىسى سيلۆان گيوگەنىڭ قاتىسۋىمەن ءوتتى. قۇجاتقا ەكى ۋنيۆەرسيتەتتىڭ ۆيتسە-پرەزيدەنتتەرى – گيۋلگەن الپان (Grenoble INP – Phelma, UGA) جانە سامعات ەرمەكباەۆ (Satbayev University) قول قويدى.

Grenoble INP – Phelma, UGA– ەۋروپاداعى يادرولىق تەحنولوگيالار سالاسىنداعى ەڭ ءىرى عىلىمي-زەرتتەۋ جانە وندىرىستىك كلاستەرلەردىڭ ءبىرى. ۋنيۆەرسيتەت يادرولىق فيزيكا، ەلەكترونيكا جانە ماتەريالتانۋ سالالارىندا الدىڭعى قاتارلى ءبىلىم بەرەدى. ونىڭ ينجەنەرلىك باعدارلامالارى THE جانە QS حالىقارالىق رەيتينگ اگەنتتىكتەرى تاراپىنان جوعارى باعالانعان.

Satbayev University بازاسىنداعى Grenoble INP – Phelma, UGA فيليالىندا يادرولىق ينجەنەريا جانە جاڭارتىلاتىن ەنەرگيا سالاسىنا قاجەتتى جوعارى بىلىكتى مامانداردى دايارلاۋ ماقساتىندا 3+1 فورماتىنداعى قوس ديپلومدى ءبىلىم بەرۋ باعدارلامالارى ىسكە قوسىلادى. باعدارلامالار Nuclear Engineering, Renewable Engineeringجانە Advanced Studies سياقتى سۇرانىسقا يە ماماندىقتاردى قامتيدى.

اتالعان باعدارلامالار قازاقستاندا العاشقى اتوم ەلەكتر ستانتسيالارىن سالۋ كەزەڭىندە اسا وزەكتى بولىپ وتىر. باعدارلاماعا قاتىساتىن ستۋدەنتتەر فرانتسياداعى اەس-تەردە تاجىريبەدەن ءوتۋ مۇمكىندىگىنە يە بولادى. بۇل ەلدەگى 56 يادرولىق رەاكتور ۇلتتىق ەنەرگەتيكالىق بالانستىڭ 70%-دان استامىن قامتاماسىز ەتەدى. وسىلايشا، تۇلەكتەر وتاندىق ەنەرگەتيكا نىساندارىندا جۇمىس ىستەۋگە دايىن، جوعارى بىلىكتى ءارى تاجىريبەگە بەيىمدەلگەن ماماندار بولادى.

Abai.kz