الماتى قالاسىنىڭ پوليتسيا دەپارتامەنتى قالا تۇرعىندارى مەن شەتەلدىك ۇيىمدارعا تيەسىلى كولىك قۇرالدارىنىڭ يەلەرىنە مەملەكەتتىك تىركەۋ نومىرلىك بەلگىلەرىنە قاتىستى رەسمي ءوتىنىش جاسادى.

ۆەدومستۆونىڭ مالىمەتىنشە، شەتەلدىك زاڭدى تۇلعالار پايدالاناتىن كولىكتەردى تىركەۋ بارىسىندا ءتيىستى تالاپتارعا ساي كەلمەيتىن نومىرلىك بەلگىلەر بەرىلگەن جەكەلەگەن جاعدايلار انىقتالعان.

قازاقستان رەسپۋبليكاسى ىشكى ىستەر ءمينيسترىنىڭ №862 بۇيرىعىنا سايكەس، شەتەلدىك قاتىسۋى بار زاڭدى تۇلعالاردىڭ مەنشىگىندەگى نەمەسە پايدالانۋىنداعى كولىكتەرگە مەنشىك تۇرىنە قاراماستان سارى ءتۇستى مەملەكەتتىك تىركەۋ نومىرلەرى بەرىلۋى ءتيىس، - دەلىنگەن پوليتسيا حابارلاماسىندا.

وسىعان بايلانىستى پوليتسيا ارنايى حقكو-عا جۇگىنىپ، كولىك قۇرالدارىنىڭ نومىرلىك بەلگىلەرىن زاڭعا سايكەس اۋىستىرۋدى سۇرايدى. بۇل ءراسىم كولىككە مەنشىك قۇقىعىن جانە ونىڭ زاڭدى تۇلعاعا تيەسىلىگىن راستايتىن قۇجاتتار نەگىزىندە جۇزەگە اسادى جانە قوسىمشا نەگىزدەمەلەردى قاجەت ەتپەيدى.

پوليتسيا وكىلدەرى بۇل شارا كولىك قۇرالدارىن تىركەۋدىڭ بىرىڭعاي ستاندارتتارىن ساقتاۋ ءۇشىن ماڭىزدى ەكەنىن ايتىپ، تۇرعىنداردان تۇسىنىستىكپەن قاراۋدى سۇرادى.