قازاقستان رەسپۋبليكاسى مادەنيەت جانە اقپارات مينيسترلىگى 2025 جىلدىڭ I جارتىجىلدىعى بويىنشا قورىتىندىلاردى ۇسىنادى. مەديا سالانى دامىتۋدىڭ نەگىزگى باعىتتارىنا نازار اۋدارساق. اتاپ ايتقاندا، باق-تى تىركەۋ مەن جاڭارتۋ، قۇقىققا قارسى كونتەنتپەن كۇرەس، حالىقارالىق ىنتىماقتاستىق، بىرلەسكەن جوبالار جانە تاراتۋ اياسىن كەڭىتۋ ماسەلەلەرى قاراستىرىلادى.

باق-تى تىركەۋ

رەسپۋبليكادا بارلىعى 4 871 بۇقارالىق اقپارات قۇرالى تىركەلگەن. ونىڭ ىشىندە 3 002 مەرزىمدى باسىلىم (گازەت، جۋرنال), 236 تەلەارنا، 98 راديو، 1 231 اقپارات اگەنتتىگى مەن ونلاين-باسىلىم بار. 2025 جىلدىڭ I جارتىجىلدىعىندا باق رەەسترى جاڭارتىلىپ، ەل اۋماعىندا 140 باق قىزمەتىن توقتاتىپ (59 گازەت، 62 جۋرنال، 19 ينتەرنەت-باسىلىم), تىركەۋدەن شىعارىلدى.

«قۇقىققا قايشى كونتەنت» تاراتۋعا قارسى شارالار

جىل باسىنان بەرى ينتەرنەت جەلىسىنەن 74 130 زاڭعا قايشى ماتەريال انىقتالىپ، ولاردىڭ 36 667-ءى جويىلعان. ونلاين پلاتفورمالاردان 49 896 ماتەريال تابىلىپ، ونىڭ 12 433-ءى جويىلدى.

ورتاق جوبالار

«ەۆرازيا» ارناسى رەسەيلىك «پەرۆىي كانال» ارناسىمەن بىرلەسىپ، قازاقستاندا «الليگاتور» اتتى 8 سەريالى كوركەم سەريال ءتۇسىردى. بۇگىندە «Qazaqstan» ارناسى تۇركيالىق «Kanal D» ارناسىمەن بىرگە «قايتا ورالعان ءۇمىت» اتتى 100 سەريالى تەلەحيكايانى جارىققا شىعارماق. «24KZ» ارناسى قىتايدىڭ CCTV‑4 ارناسىمەن «ورتالىق ازيا – قىتاي» ءسامميتى اياسىندا قازاقستان جايلى «ورتاق ءۇي» («وبششي دوم») اتتى دەرەكتى ءفيلمنىڭ پرەمەراسىن وتكىزدى. «حابار» ارناسىندا «ۇلى دالا مەن اسپان استى ەلى: كورشىلەر، سەرىكتەستەر، دوستار» اتتى دەرەكتى فيلم كورسەتىلدى.

حالىقارالىق ىنتىماقتاستىق Euronews-پەن سەرىكتەستىك اياسىندا «Modern Nomads» تەلەۆيزيالىق باعدارلاماسىنىڭ 12, «East West Connect» 6, «Voices from Central Asia» 6 شىعارىلىمى، «Focus» 3 رەپورتاجى ازىرلەندى.

سونىمەن بىرگە، 2025 جىلدىڭ ناۋرىز-ماۋسىم ايلارىندا Euronews Academy ءبىلىم بەرۋ جوباسى بويىنشا قازاقستاندا جۋرناليستيكا جانە مەديامەنەدجمەنت باعىتتارىندا 4 كاسىبي كۋرس ۇيىمداستىرىلدى.

تاراتۋ اياسىن كەڭىتۋ

«سۇر تاباقشالار» ناۋقانى اياسىندا شەتەلدىك سپۋتنيك قۇرىلعىلارىنا بالاما رەتىندە وتاندىق سپۋتنيك اپپاراتتارىن ساتىپ الۋعا ىنتالاندىرۋ ماقساتىندا سۋبسيديالاۋ باعدارلاماسى ىسكە قوسىلدى. الماتى، جامبىل، تۇركىستان وبلىستارىندا 300-دەن استام قۇرىلعى ساتىپ الۋ قۇنى سۋبسيديالاندى. جاقىن ارادا شەكارالاس ايماقتاردا تۇرعىندار 3 000-نان استام اپپارات پايدالانادى دەپ جوسپارلانۋدا.

قر مادەنيەت جانە اقپارات مينيسترلىگىنىڭ ءباسپاسوز قىزمەتى

Abai.kz