ۆاشينگتون ءتۋرنيرى: ەلەنا رىباكينا شيرەك فينالىندا

قازاقستاننىڭ ءبىرىنشى، الەمنىڭ 12-راكەتكاسى ەلەنا رىباكينا جەكەلەي سىندا ۆاشينگتون (اقش) WTA 500 ءتۋرنيرىنىڭ شيرەك فينالىنا شىقتى.
جارىستىڭ 3-راكەتكاسى بولىپ تىركەلگەن قازاقستاندىق تەننيسشى ەكىنشى اينالىمدا رەيتينگىدە 88-ورىنداعى كانادالىق، 18 جاستاعى ۆيكتوريا مبوكونى قاپى قالدىردى.
ماتچ 6:3, 7:5 ەسەبىمەن رىباكينانىڭ پايداسىنا شەشىلدى.
ءبىر ساعات 25 مينۋتقا سوزىلعان باسەكەدە ەلەنا 3 ەيسپەن بىرگە 9 برەيك-پوينتتىڭ تورتەۋىن ءمۇلت جىبەرمەدى. مبوكو 3 ەيس، 2 برەيكپەن (3 برەيك-پوينت) كوزگە ءتۇستى.
ەلەنا رىباكينا جارتىلاي فينالعا شىعۋ ءۇشىن الەمنىڭ 24-راكەتكاسى، پولشا وكىلى ماگدالەنا فرەنح نەمەسە كورتقا جۋىردا قايتا ورالعان 45 جاستاعى اتاقتى امەريكالىق ۆينۋس ءۋيليامستىڭ اراسىندا جەڭگەنىمەن سىنعا تۇسەدى.
Abai.kz