اتالعان ورتالىق الماتى قالاسى، بوگەنباي باتىر كوشەسى، 142 مەكەنجايىندا ورنالاسقان ۋنيۆەرسيتەت عيماراتىنىڭ اۋماعىندا ورنالاسقان.

عىلىم جانە جوعارى ءبىلىم مينيسترلىگى مەن الماتى قالاسى اكىمدىگىنىڭ باستاماسىمەن ستۋدەنتتەردى جاتاقحانامەن قامتاماسىز ەتۋ ماقساتىندا قازاق ۇلتتىق قىزدار پەداگوگيكالىق ۋنيۆەرسيتەتىنىڭ بازاسىندا احۋالدىق ورتالىق اشىلدى.

عىلىم جانە جوعارى ءبىلىم ءمينيسترى ساياسات نۇربەك اتالعان ورتالىق جاتاقحانادان ورىن تابا الماعان ستۋدەنتتەرگە كومەك كورسەتەتىنىن ايتتى.

ءار جوعارى وقۋ ورنىنىڭ جانىنان ارنايى تسيفرلىق پلاتفورما قۇرىلدى. ول وتاندىق جوعارى وقۋ ورىندارىنىڭ 80%-ندا بار. ايتا كەتەيىك، نارحوز جانە Satbayev University-دە ستۋدەنت جاتاقحانادان بولمەنى، ورىندى ءوزى تاڭدايدى. ال جاتاقحانادان ورىن الا الماعان ستۋدەنتتەر قازاق ۇلتتىق قىزدار پەداگوگيكالىق ۋنيۆەرسيتەتىنىڭ بازاسىندا اشىلعان احۋالدىق ورتالىقتىڭ كومەگىنە جۇگىنە الادى. سونداي-اق الماتىدا بوس ورىن تابا الماي قيىن جاعدايعا تاپ بولعان ستۋدەنتتەرگە ۋنيۆەرسيتەتتەرمەن بىرلەسە توتەنشە جاعدايعا ارنالعان 55 ارنايى بولمە دايىندادىق، – دەدى مينيستر.

ورتالىقتا 10 تولىققاندى جۇمىس ورنى بار. ارنايى جۇمىس ورنى زاماناۋي كومپيۋتەرلەرمەن، بايلانىس قۇرالدارىمەن، تسيفرلىق دەرەكقورلارعا قولجەتىمدىلىكپەن جانە جوعارى وقۋ ورىندارىمەن جەدەل بايلانىس ارنالارىنا ء(بىر نومىرگە ءبىر ۋاقىتتا قوسىلاتىن 10 بايلانىس جەلىسى) قوسىلعان جۇيەمەن جابدىقتالعان. سونىمەن قاتار ورتالىقتا جينالىستار مەن بريفينگتەر وتكىزۋگە ارنالعان كونفەرەنتس-زال، كەلۋشىلەرگە ارنالعان كۇتۋ جانە دەمالىس ايماعى مەن وقۋ بۇرىشى قاراستىرىلعان.

ءمينيستردىڭ ايتۋى بويىنشا، جاتاقحانا ماسەلەسىن شەشۋ ءۇشىن ەلىمىزدە ارنايى نورماتيۆتىك سۋبسيديالار ۇلعايتىلدى، جەكەمەنشىك مەردىگەرلەردى، كومپانيالاردى تارتىپ، 5 جىلدىڭ ىشىندە 400-دەن استام جاتاقحانا سالىندى.

وسىلايشا، الماتىدا سيتۋاتسيالىق ورتالىقتىڭ ىسكە قوسىلۋى ستۋدەنتتەردىڭ تۇرمىس جاعدايىن جاقسارتۋ جانە ءبىلىم الۋشى جاستاردى قولجەتىمدى تۇرعىن ۇيمەن قامتاماسىز ەتۋ بويىنشا كەشەندى جۇمىستاردىڭ تاعى ءبىر قادامى بولدى.

Abai.kz