​الماتى قالاسىندا حالىقارالىق جاستار كۇنىنە وراي ۇيىمداستىرىلعان «Alma Love» اۋقىمدى فەستيۆالى ءوتىپ جاتىر. فەستيۆالدىڭ ەڭ جارقىن ءارى كرەاتيۆتى جوبالارىنىڭ ءبىرى – «JasVibe» بولدى. جوبا الماتى قالاسى جاستار ساياساتى باسقارماسىنىڭ قولداۋىمەن جۇزەگە اسۋدا.

​اپتا بويى ارنايى بەزەندىرىلگەن كولىكپەن Jas Almaty ماسكوتى قالانىڭ ساياباقتارىن, قوعامدىق كەڭىستىكتەردى ارالايتىن بولادى. ۆولونتەرلەر مەن ماسكوت قالا تۇرعىندارىن الداعى مەرەكەمەن قۇتتىقتاپ، قالا تۇرعىندارىنا ەستەلىك سىيلىقتار تاراتىپ، قالالىق دەمالىس ورىندارى مەن «Alma Love» فەستيۆالىنىڭ گراند فينالىنا بيلەتتەر تاراتۋدا.  

​«ءبىز ءاربىر الماتىلىق مەرەكەلىك اتموسفەرانى سەزىنسە دەيمىز. بءىزدىڭ جوبا – ادامدارعا قۋانىش سىيلاپ, كوڭىل-كۇيلەرىن كوتەرۋگە باعىتتالعان. ءبىز ءبىركۇنمەن توقتاپ قالماي, وسى باعىتتاعى جۇمىستاردى ءارى قاراي جالعاستىرامىز»، - دەدى ۆولونتەر ەلدار بايگابىلوۆ.

ايتا كەتەيىك, الماتىدا حالىقارالىق جاستار كۇنىن مەرەكەلەۋگە ارنالعان ون كۇندىك 3 تامىزدا باستالدى. فەستيۆال باعدارلاماسىندا ەكولوگيالىق اكتسيالار, سپورتتىق تۋرنيرلەر, كۆەستتەر, جاستار مەن الەۋمەتتىك جوبالار كورمەسى, Open Mic فورماتىنداعى كونتسەرتتەر, بي باتتلدارى جانە باسقا دا ءىس-شارالار قامتىلعان.

فەستيۆالدىڭ Grand فينالى 12 تامىزدا بالۋان شولاق اتىنداعى سپورت كەشەنىندە وتەدى. قالا قوناقتارى مەن تۇرعىندارىن قازاقستاندىق ەسترادا جۇلدىزدارىنىڭ قاتىسۋىمەن ۇلكەن مەرەكەلىك كونتسەرت پەن الماتىنىڭ بەلسەندى جاستارىن ماراپاتتاۋ ءراسىمى كۇتەدى. كىرۋ تەگىن.

Abai.kz