ەلىمىزدىڭ ونەركاسىپتىك نەگىزىن قۇرۋ جونىندەگى پرەزيدەنت تاپسىرماسىن جۇزەگە اسىرۋ: وڭدەۋ ونەركاسىبى 2025 جىلى 6,1%-عا ءوسىپ، ءوندىرىس كولەمى 16 ترلن تەڭگەدەن استى.

ۇكىمەت پرەزيدەنت قاسىم-جومارت توقاەۆتىڭ تاپسىرماسىنا سايكەس، ەلىمىزدىڭ ونەركاسىپتىك بەرىك ىرگەتاسىن قۇرۋ بويىنشا كەشەندى جۇمىس جۇرگىزىپ كەلەدى. وتاندىق تاۋار وندىرۋشىلەردى قولداۋعا جانە وڭدەۋشى سالانى دامىتۋعا ەرەكشە كوڭىل ءبولىنىپ وتىر. ونەركاسىپ جانە قۇرىلىس ءمينيسترى ەرسايىن ناعاسپاەۆ يندۋستريالاندىرۋ ناتيجەلەرى وڭدەۋ ونەركاسىبىنىڭ تۇراقتى ءوسۋىن كورسەتىپ وتىرعانىن اتاپ ءوتتى.

«بيىلعى 7 ايدىڭ قورىتىندىسى بويىنشا وڭدەۋ ونەركاسىبى 6,1%-عا ءوستى، ال ءونىم ءوندىرۋ كولەمى 16 ترلن تەڭگەدەن استى. بۇل جەردە ەكونوميكاداعى وڭدەۋ ونەركاسىبىنىڭ ۇلەسى 13,9%-عا دەيىن ارتقانىن اتاپ وتكىم كەلەدى»، — دەدى مينيستر.

وتاندىق ءوندىرىستىڭ ءوسۋىن ىنتالاندىرۋ ماقساتىندا قارجىلىق قولداۋ قۇرالدارى پايدالانىلۋدا.

«ءبىز جەرگىلىكتى، وتاندىق وندىرۋشىلەردىڭ ءوسۋىن ىنتالاندىرۋ ماقساتىندا بەلسەندى جۇمىس جۇرگىزىپ جاتىرمىز: وڭدەۋ ونەركاسىبىنىڭ 115 جوباسىن قولداۋعا 500 ملرد تەڭگە ءبولىندى. بۇل "بايتەرەك" حولدينگى سياقتى دامۋ ينستيتۋتتارى ارقىلى جۇزەگە اسىرىلدى»، — دەپ اتاپ ءوتتى ەرسايىن ناعاسپاەۆ.

سونىمەن قاتار مەملەكەتتىك ساتىپ الۋدا وتاندىق وندىرۋشىلەرگە باسىمدىق بەرىلدى: 2025 جىلدىڭ 7 ايىندا ساتىپ الۋ كولەمى 1,5 ەسەگە ءوسىپ، جالپى قۇنى 1,2 ترلن تەڭگەدەن استى.

تاعى ءبىر ماڭىزدى قولداۋ قۇرالى – قازاقستاندىق تاۋار وندىرۋشىلەردىڭ بىرىڭعاي ءتىزىلىمى، ول ساتىپ الۋدىڭ اشىقتىعىن ارتتىرىپ، جالعان وندىرۋشىلەردى جويۋعا مۇمكىندىك بەرەدى. ونىڭ ىسكە قوسىلۋى وسى جىلدىڭ كۇزىنە جوسپارلانعان.

Abai.kz