بۇگىن قىزىلوردا قالاسىنىڭ سول جاعالاۋ مولتەك اۋدانىندا «كەلەشەك مەكتەپتەرى» جوباسى شەڭبەرىندە وڭىردە العاش اشىلعان جالپى ورتا ءبىلىم بەرۋ ۇيىمىنا اشىق ەسىك كۇنى ۇيىمداستىرىلدى. اشىق ەسىك كۇنىنە 400-دەن اسا اتا-انا مەن وقۋشىلار سونىمەن قاتار، رەسپۋبليكالىق جانە جەرگىلىكتى باق وكىلدەرى قاتىستى.

900 وقۋشىعا ارنالعان جاڭا مەكتەپ بۇگىندە تسيفرلاندىرۋ، ينكليۋزيۆتىلىك جانە كەڭىستىكتى كوپفۋنكتسيونالدى پايدالانۋعا قويىلاتىن بارلىق تالاپتارعا ساي كەلەتىن زاماناۋي ۇلگىلىك ءبىلىم ورداسى اينالعان.

مەكتەپ 0-سىنىپتان باستاپ 11-سىنىپقا دەيىنگى بارلىق وقۋشىلارعا تولىققاندى ءبىلىم بەرۋدى قامتاماسىز ەتەدى. قازىرگى تاڭدا عيمارات جاڭا جيھازدار، تسيفرلىق قۇرىلعىلار مەن ينتەراكتيۆتى تەحنولوگيالارمەن تولىق قامتاماسىز ەتىلگەن. بۇل وقۋ جىلىنىڭ العاشقى كۇندەرىنەن-اق ساپالى ءبىلىم بەرۋ پروتسەسىن جولعا قويۋعا مۇمكىندىك بەرەدى.

ءبىلىم ورداسى ينكليۋزيۆتىلىك پەن جالپىعا بىردەي قولجەتىمدىلىك قاعيداتتارىنا ساي جوبالانعان. عيمارات پاندۋسپەن، ليفتپەن، تاكتيلدى باعىتتاعىشتارمەن، جارىقتىق بەلگىلەرمەن، ساحناعا ارنالعان ارنايى قۇرال-جابدىقتارمەن جابدىقتالعان.

اشىق ەسىك كۇنى بارىسىندا بۇقارالىق اقپارات قۇرالدارىنىڭ وكىلدەرى مەن اتا-انالارعا مەكتەپتىڭ ينفراقۇرىلىمى اتاپ ايتقاندا، تسيفرلىق ساۋاتتىلىق، ينفورماتيكا جانە روبوتوتەحنيكا كابينەتتەرى، اعاش جانە مەتالل وڭدەۋ، تىگىن جانە اسپازدىق شەبەرحانالارى، بەينەلەۋ ونەرى، گرافيكا جانە جوبالاۋ كابينەتتەرى، STEM-زەرتحاناسى جانە وقۋشىلاردىڭ بارلىق ساناتىنا قولايلى جاعداي جاسايتىن ساۋلەتتىك جانە لوگيستيكالىق شەشىمدەر تانىستىرىلدى.

Abai.kz