دۇكەن سورەلەرىنىڭ 50%-ىن وتاندىق تاۋارلار قۇرايتىن بولادى. بۇل تۋرالى ۇكىمەتتىڭ ءباسپاسوز قىزمەتى حابارلادى.

وتاندىق تاۋار وندىرۋشىلەردىڭ بىرىڭعاي ءتىزىلىمى جاسالىپ جاتىر، بۇل كومپانيالارعا مەملەكەتتىك قولداۋ شارالارىنا، سونداي-اق مەملەكەتتىك جانە كۆازيمەملەكەتتىك ساتىپ الۋلارعا قول جەتكىزۋگە مۇمكىندىك بەرەدى.

دۇكەن سورەلەرىندەگى وتاندىق تاۋارلار ۇلەسىن ارتتىرۋ ماقساتىندا وتاندىق وندىرۋشىلەر ونىمدەرى ءۇشىن كەمىندە 50% سورەلىك كەڭىستىكتى كوزدەيتىن باعدارلاما ىسكە قوسىلدى. سونىمەن قاتار ساپاسىز ءارى قاۋىپتى ونىمدەردىڭ نارىققا ەنۋىنە شەكتەۋ قويۋ باعىتىندا بەلسەندى جۇمىس جۇرگىزىلىپ جاتىر.

«بارلىق باقىلاۋشى ورگانداردىڭ قاتىسۋىمەن احۋالدىق شتاب ءتيىمدى جۇمىس اتقارۋدا. 47 مىڭنان استام كولىك تەكسەرىلدى، تاۋارلىق سالماقتا بۇل 600 مىڭ توننادان استام مال شارۋاشىلىعى ونىمدەرى. ونىڭ ىشىندە 900-دەن استام اۆتوكولىك كەرى قايتارىلدى، 1 مىڭنان استام سايكەستىكتى راستاۋ قۇجاتتارىنىڭ كۇشى جويىلدى»، – دەدى ساۋدا جانە ينتەگراتسيا ءمينيسترى ارمان شاققاليەۆ.

Abai.kz