شىمكەنت مۇناي وڭدەۋ زاۋىتىندا ەكى جۇمىسشى قازا بولدى. اقپاراتتى "پەتروقازاحستان ويل پروداكتس" كومپانياسى راستادى. كومپانيانىڭ حابارلاۋىنشا، وقيعا 26 تامىزدا ساعات 14:30 شاماسىندا بولعان – وقشاۋلاۋ جۇمىسى كەزىندە مۇنارا قۇلاعان. بۇل تۋرالى ازاتتىق راديوسى جازدى. 

"قازا بولعان ازاماتتار مەردىگەر «كرس استانا» كومپانياسىنىڭ جۇمىسشىلارى بولىپ شىقتى. وقيعانىڭ سەبەبىن ارنايى جۇمىس توبى انىقتاپ جاتىر. زاۋىت قالىپتى رەجيمدە جۇمىسىن جالعاستىرىپ جاتىر" دەپ جازىلعان كومپانيا حابارلاماسىندا.

كومپانيا وكىلدەرى قازا بولعانداردىڭ وتباسىنا كوڭىل ايتتى. پوليتسيا ەڭبەك قاۋىپسىزدىگى ەرەجەلەرىن بۇزۋ فاكتىسى بويىنشا قىلمىستىق ءىس قوزعاعان. قازىر تەرگەۋ ءجۇرىپ جاتىر. "پەتروقازاحستان ويل پروداكتس" – اكتسيونەرلەرى "قىتاي ۇلتتىق مۇناي كورپوراتسياسى" مەن "قازمۇنايگاز" سانالاتىن "پەتروقازاقستان" مۇناي توبىنا تيەسىلى.

اتالعان مۇناي توبى گەولوگيالىق بارلاۋ، كەن ورىندارىن وڭدەۋ، مۇناي مەن گازدى ءوندىرۋ، ماركەتينگ جانە تاسىمالداۋ، سونداي-اق كەن ورىندارىن ساتىپ الۋ، مۇناي مەن مۇناي ونىمدەرىن وڭدەۋ جانە ولاردى ساتۋمەن اينالىسادى.

مۇناي وڭدەۋمەن اينالىساتىن "پەتروقازاحستان ويل پروداكتس" شىمكەنت پەن تۇركىستان وبلىسىندا شوعىرلانعان.

Abai.kz