نازاردا – تسيفرلاندىرۋ، Aitu جانە ۆەنچۋرلىك ينۆەستيتسيالار. الماتىدا IT جانە كرەاتيۆتى ەكونوميكانىڭ بولاشاعى تالقىلاندى.

(سۋرەت: ۇيىمداستىرۋشىلاردان الىندى)

بۇل الاڭ IT-سەكتوردى نىعايتۋ جانە تسيفرلىق ەكونوميكانى دامىتۋ بويىنشا بىرلەسكەن قادامداردى ايقىندايتىن ماڭىزدى ديالوگ الاڭىنا اينالدى. شاراعا بيزنەس وكىلدەرى، تەحنولوگيالىق كومپانيالار، ينۆەستورلار جانە يندۋستريالىق سەرىكتەستەر قاتىستى.

قاتىسۋشىلار قازاقستانداعى IT-سالاسىنىڭ دامۋىنىڭ نەگىزگى ماسەلەلەرىن تالقىلادى: ونەركاسىپتەگى تسيفرلاندىرۋ مەن B2B-شەشىمدەردەن باستاپ ۆەنچۋرلىك قارجىلاندىرۋدىڭ پەرسپەكتيۆالارى مەن قارجى سەكتورىنىڭ ىنتىماقتاستىعىنا دەيىن.

جەكە سەسسيادا Aitu مەسسەندجەرىنە نازار اۋدارىلدى. اتاپ ايتقاندا، BTS Digital كومپانياسىنىڭ وكىلدەرى سەرۆيس تۋرالى تانىستىرىلىم وتكىزىپ، ونى قازاقستاننىڭ تسيفرلىق ەكوجۇيەسىنە ىقپالداستىرۋ مۇمكىندىكتەرىن تانىستىردى.

جارقىنبەك ازاماتوۆ، BTS Digital باس ديرەكتورىنىڭ مىندەتىن اتقارۋشى:

«قازاقستاننىڭ بولاشاعى – تەحنولوگيالىق پروگرەستە، ال Aitu-دىڭ دامۋىن ءبىز وسى باعىتتاعى ماڭىزدى قادامداردىڭ ءبىرى دەپ سانايمىز. ءبىزدىڭ جۇمىسىمىزدىڭ وزەگىندە – پايدالانۋشى تۇر. Aitu كۇندەلىكتى ومىردە ىڭعايلى ءارى پايدالى بولۋى ماڭىزدى. ءبىز پلاتفورمانى ازاماتتار، بيزنەس جانە مەملەكەتتىك قۇرىلىمدار ءۇشىن قۇرال رەتىندە دامىتىپ جاتىرمىز. بۇگىندە سۋپەراپپ اياسىندا كومپانيالار ءۇشىن چات-بوتتار مەن كولل-ورتالىقتارمەن ىقپالداستىرۋدان باستاپ، ميني-قوسىمشالاردى ىسكە قوسۋعا دەيىنگى شەشىمدەر قولجەتىمدى. بۇل – ءوسۋ مەن سەرىكتەستىكتەر ءۇشىن جاڭا مۇمكىندىكتەر.»

(سۋرەت: ۇيىمداستىرۋشىلاردان الىندى)

«قازاقستان حالىق بانكى» اق باسقارما توراعاسىنىڭ ءبىرىنشى ورىنباسارى داۋرەن سارتاەۆ قارجى سەكتورىنداعى تسيفرلاندىرۋ تاجىريبەسىمەن ءبولىسىپ، Aitu مەسسەندجەرى جايلى دا پىكىر ءبىلدىردى:

«بۇگىن وتاندىق Aitu مەسسەندجەرىن دامىتۋداعى ىلگەرىلەۋلەرمەن تانىسۋدىڭ پايداسى زور بولدى. قازىردىڭ وزىندە ىسكە اسىرىلعان فۋنكتسيالار جيىنتىعى سەرۆيستى ودان ءارى دامىتۋعا بەرىك باسەكەلىك نەگىز بولا الادى. اسىرەسە شەتەلدىك بالامالارمەن باسەكەلەستىك جاعدايىندا. بۇل – ەلدىڭ تسيفرلىق ەگەمەندىگىن نىعايتۋعا باعىتتالعان ماڭىزدى قادام».

الماتى قالاسى كاسىپكەرلەر پالاتاسى وڭىرلىك كەڭەسىنىڭ توراعاسى نۇرسۇلتان شوكانوۆ قورىتىندى سوزىندە:

«مەملەكەت باسشىسى ەلىمىزدە تسيفرلىق ەكوجۇيەنىڭ تولىققاندى دامۋىنا جاعدايدى جۇيەلى تۇردە قالىپتاستىرىپ كەلەدى، ءارى ونىڭ ەلىمىزدىڭ باسەكەگە قابىلەتتىلىگىنە تىكەلەي اسەر ەتەتىنىن ۇنەمى اتاپ وتەدى. بيزنەس پەن ازاماتتار رەتىندە ءبىزدىڭ ءرولىمىز – «تسيفرلىق تۇتىنۋشىلىق ءپاتريوتيزمدى» قالىپتاستىرۋ. ياعني، وتاندىق ونىمدەر مەن سەرۆيستەرگە قولداۋ كورسەتىپ، ولاردىڭ دامۋىنا جانە الەمدىك نارىقتارداعى باسەكەگە قابىلەتتىلىگىن ارتتىرۋعا مۇمكىندىك بەرۋ.»

سونداي-اق، جيىندا BYB Production ينۆەستيتسيالىق قورىنىڭ باسقارۋشى سەرىكتەسى ا.بەليسبەكوۆ، «Omir Group Ltd» ديرەكتورلار كەڭەسىنىڭ مۇشەسى د.كۋناەۆ ءسوز سويلەپ، وتاندىق IT-نارىعىن دامىتۋ، قازاقستاندىق ونىمدەردى، سونىڭ ىشىندە Aitu مەسسەندجەرىن ازىرلەۋ جانە ىلگەرىلەتۋ ماڭىزدىلىعىن اتاپ ءوتتى.

Abai.kz