استانا قالاسىنىڭ پروكۋراتۋراسى ەكى جەكە سوت ورىنداۋشىسىنىڭ قاراجاتتى زاڭسىز يەمدەنۋ فاكتىسىن انىقتادى.

بەلگىلى بولعانداي، ولار ەكى جىل بويى اكىمشىلىك ايىپپۇلداردى وتەۋگە جانە مەملەكەتتىك قازىنانى تولىقتىرۋعا ءتيىس قاراجاتتى ءوز ماقساتتارىنا جۇمساپ كەلگەن.

اقشانىڭ ءبىر بولىگى ءتىپتى قۇمار ويىندارعا سالىنعان. سونىمەن قاتار جەكە جانە زاڭدى تۇلعالاردىڭ دا قارجىسى جىمقىرىلعان. جالپى شىعىن كولەمى 26 ميلليون تەڭگەدەن استى.

اتالعان سوت ورىنداۋشىلارىنا قاتىستى سوتقا دەيىنگى تەرگەۋ باستالىپ، كەيىن ولار كەلتىرگەن زالالدى تولىعىمەن وتەدى. تەرگەۋ قورىتىندىسى بويىنشا ۋاكىلەتتى ورگان ولاردى ليتسەنزيالارىنان ايىرۋعا كىرىسەدى.

Abai.kz