پراگا بەلارۋس ەلشىلىگى قىزمەتكەرىن نون گراتا تۇلعا دەپ جاريالادى. بۇل تۋرالى ازاتتىق راديوسى جازدى.

چەحيا قۇزىرلى ورگاندارىنىڭ ايتۋىنشا، ول ازامات ديپلوماتيالىق قىزمەتتى بۇركەمە رەتىندە پايدالانعان بارلاۋ وفيتسەرى بولعان.

ال رۋمىنيادا بەلارۋسكە جۇمىس ىستەدى دەگەن مولدوۆا ارنايى قىزمەتىنىڭ بۇرىنعى لاۋازىمدى قىزمەتكەرى ۇستالدى.

BIS-ءتىڭ اقپاراتىنا قاراعاندا، ەۋروپاداعى تىڭشىلىق جەلىسىن بەلارۋستىڭ مەملەكەتتىك قاۋىپسىزدىك كوميتەتى قۇرعان. ۇستالعان ديپلومات چەحيادان 72 ساعات ىشىندە كەتۋى كەرەك. ازىرگە ونىڭ اتى-ءجونى ايتىلماي وتىر.

بەلارۋستىڭ تىڭشىلىق جەلىسىنە قاتىسى بار دەگەن ادامداردىڭ ءبىرى – مولدوۆا بارلاۋ قىزمەتى باسشىسىنىڭ بۇرىنعى ورىنباسارى.

ازاتتىق راديوسىنىڭ رۋمىن قىزمەتى رۋمىنيانىڭ ۇيىمداسقان قىلمىس پەن تەرروريزمدى تەرگەۋ باسقارماسى 47 جاستاعى مولدوۆا وتسيتسەرىنىڭ ۇستاعانىن راستادى، بىراق ازىرگە ونىڭ دا اتى اتالمادى. مولدوۆا وفيتسەرى بەلارۋس ءۇشىن تىڭشىلىق جاسادى دەپ ايىپتالىپ وتىر. ول قازىر مەملەكەتتىك قۇپيا وزگە بىرەۋگە بەرۋ ارقىلى ساتقىندىق جاسادى دەگەن كۇدىكپەن تەرگەلىپ جاتىر.

Abai.kz