الماتى قالاسى ىشكى ساياسات باسقارماسىنىڭ قوعامدىق دامۋ ورتالىعىنىڭ باستاماسىمەن جاريالانعان «جۇمىسشى ماماندىقتار جىلى» اياسىندا «WORKSHOP: ەڭبەك پەن شەبەرلىك» جوباسى شەڭبەرىندە تاعى ءبىر ماڭىزدى ءارى مازمۇندى ءىس-شارا — «ماماندىقتار الەمىنە ىشكى كوزقاراس» اتتى كەزدەسۋ ءوتتى.

اتالعان شارانىڭ باستى ماقساتى – وسكەلەڭ ۇرپاقتىڭ بولاشاق كاسىبىن سانالى تۇردە تاڭداۋعا سەپتىگىن تيگىزۋ، ولاردىڭ ەڭبەك نارىعىنداعى مۇمكىندىكتەرى مەن سۇرانىسقا يە ماماندىقتار تۋرالى تۇسىنىگىن كەڭەيتۋ، سونداي-اق تابىستى تۇلعالارمەن بەتپە-بەت كەزدەستىرە وتىرىپ، شابىتتاندىرۋ جانە ەڭبەككە دەگەن قۇلشىنىسىن ارتتىرۋ.

كەزدەسۋگە ارنايى قوناق رەتىندە «تەحنونيكول. قۇرىلىس جۇيەلەرى» كومپانياسىنىڭ باسشىسى، جوعارى بىلىكتى مامان ءارى ءوز ءىسىنىڭ حاس شەبەرى – مىحانوۆ ابىلقايىر بالتابايۇلى شاقىرىلىپ، ول جاستارمەن ءوزىنىڭ كاسىبي جولىنداعى تاجىريبەلەرىمەن، جەتىستىكتەرى مەن كەزدەسكەن قيىندىقتارىنان العان ساباقتارىمەن اشىق ءبولىستى.

قوناق سپيكەر ءوز سوزىندە تابىستى مانساپ قۇرۋدىڭ باستى العىشارتتارى رەتىندە — ۇزدىكسىز ءبىلىم الۋ، ەڭبەككە ادالدىق، ۋاقىتتى ءتيىمدى باسقارۋ جانە ءوز ىسىڭە دەگەن سۇيىسپەنشىلىك سياقتى قۇندىلىقتاردى ەرەكشە اتاپ ءوتتى. سونىمەن قاتار، قۇرىلىس سالاسىنداعى زاماناۋي تەحنولوگيالار مەن سۇرانىسقا يە جۇمىسشى ماماندىقتارى جايلى ناقتى مىسالدار كەلتىردى.

كەزدەسۋ سۇراق-جاۋاپ فورماتىندا جالعاسىپ، وقۋشىلار مەن ستۋدەنتتەر سپيكەرگە كوكەيلەرىندە جۇرگەن كاسىبي جانە تۇلعالىق دامۋ جونىندەگى سۇراقتارىن قويىپ، ناقتى ءارى ومىرلىك تاجىريبەگە نەگىزدەلگەن جاۋاپتار الدى. بۇل جاستار ءۇشىن قۇندى موتيۆاتسيا عانا ەمەس، بولاشاقتاعى ناقتى ارەكەتتەرگە باستايتىن باعىت بولىپ تابىلدى.

شارا سوڭىندا قاتىسۋشىلار جۇمىسشى ماماندىقتارىنىڭ قوعامداعى ءرولى مەن ماڭىزدىلىعى جايلى تىڭ ءارى پايدالى اقپاراتقا قانىعىپ، ەڭبەككە جانە كاسىپتىك دامۋعا جاڭا كوزقاراسپەن قاراۋعا مۇمكىندىك الدى. جاستاردىڭ بويىنداعى ماقساتقا ۇمتىلىس پەن تاباندىلىقتى وياتقان بۇل كەزدەسۋ — كاسىبي باعدار بەرۋدىڭ ماڭىزدى الاڭىنا اينالدى.

وسىنداي ءىس-شارالار جاس ۇرپاقتىڭ سانالى تاڭداۋ جاساۋىنا، ەڭبەكقورلىق پەن جاۋاپكەرشىلىككە تاربيەلەۋگە، بولاشاق ماماندىعىن انىقتاۋىنا ۇلكەن سەرپىن بەرەتىنى ءسوزسىز.

Abai.kz