پسيحولوگيالىق قولداۋ — ادامنىڭ ومىرلىك قيىن جاعدايلاردا ءوزىن جالعىز سەزىنبەۋىنە، ىشكى جان دۇنيەسىن تۇسىنۋگە جانە سترەسستى جەڭۋگە كومەكتەسەتىن ماڭىزدى قۇرال. اسىرەسە بالالار مەن جاسوسپىرىمدەر ءۇشىن مۇنداي قولداۋدىڭ ءرولى زور.

قازىرگى تاڭدا كوپتەگەن جاسوسپىرىمدەر ەموتسيونالدى تۇراقسىزدىقتى، ءوز-وزىنە سەنىمسىزدىكتى، قورقىنىش پەن جالعىزدىق سەزىمىن باستان كەشىرەدى. وسىنداي جاعدايدا ۋاقتىلى كورسەتىلگەن پسيحولوگيالىق كومەك بالانىڭ ءومىرىن ساقتاپ قالۋى مۇمكىن.

پسيحولوگيالىق قولداۋدىڭ نەگىزگى باعىتتارى:
- ەمپاتيا مەن تۇسىنىستىك كورسەتۋ;
- ءوزىن-ءوزى باعالاۋدى ارتتىرۋ;
- مەكتەپ پەن اتا-انا اراسىنداعى سەنىمدى بايلانىس ورناتۋ;
- بالانىڭ قىزىعۋشىلىعى مەن قابىلەتىن دامىتۋعا جاعداي جاساۋ.

مەكتەپ پسيحولوگىنىڭ جۇيەلى جۇمىسى، مۇعالىمنىڭ مەيىرىمدى قارىم-قاتىناسى جانە اتا-انانىڭ ماحابباتى – بالا پسيحيكاسىنىڭ تۇراقتىلىعىن قامتاماسىز ەتەدى.

قورىتىندى: جاسوسپىرىمدەرگە پسيحولوگيالىق قولداۋ كورسەتۋ – ولاردىڭ ومىرلىك جولىنداعى قيىندىقتاردى ەڭسەرۋگە كومەكتەسەتىن ماڭىزدى قادام. ءار بالانىڭ بويىنداعى ومىرگە دەگەن سۇيىسپەنشىلىكتى وياتۋ – ءبىزدىڭ ەڭ باستى مىندەتىمىز.

جاميليا حودجاەۆا، مەكتەپ پسيحولوگى

Abai.kz