پرەزيدەنت ۆلاديمير زەلەنسكي سوڭعى مالىمدەمەسىندە: «ءبىز رەسەيگە قارسى الىستان سوققى بەرۋ گەوگرافياسىن كەڭەيتەمىز»، - دەپ كەسىپ ايتتى.

سوڭعى كۇندەرى ۋكراينا دروندارى ماسكەۋ مەن ونىڭ ماڭايىنا تولاسسىز شابۋىل جاساپ، رەسەي اسپانىن مازاسىز كۇيگە ءتۇسىردى. اۋەدەن كەلەتىن سوققىلار جيىلەگەن سايىن كرەمل ماسكەۋ اينالاسىنا اۋە قورعانىس كەشەندەرىن ءۇيىپ توگىپ ورناتۋعا ءماجبۇر بولدى. ماسكەۋ قازىر تولىققاندى قورعانىس رەجيمىنە كوشتى.

رەسەيگە باعىتتالعان سوققىلاردىڭ 90 پايىزى — ۋكراينالىق ءوندىرىس.

زەلەنسكيدىڭ ءوزى: «ءبىز رەسەيدىڭ ءموز-دەرىنە سوققى جاساۋدى جالعاستىرامىز. قازىردىڭ وزىندە ولاردىڭ 22–27 پايىز جانارماي ءوندىرۋ قۋاتى ازايدى. ەندى ونى ەسەلەۋىمىز كەرەك. ءبىزدىڭ ەسەپ بويىنشا، رەسەي اقش-تىڭ سوڭعى سانكتسيالارىنان اي سايىن كەمى 5 ميلليارد دوللار جوعالتىپ وتىر. ال ءبىز جاساعان سوققىلار بۇل شىعىندى بىرنەشە ەسە ارتتىرۋى ءتيىس»، - دەدى

زەلەنسكيدىڭ ايتۋىنشا، ۋكراينا ەندى «رۋتا» جانە «فلامينگو» اتتى زىمىرانداردى جاپپاي قولدانۋعا كوشپەك.

ال سۋرەتتە: «كيەۆتى 3 كۇندە الامىز»، - دەپ الاشاپقىن بولعاندار ماسكەۋدەگى قىزىل الاڭدى، كرەملدى ۋكراينا دروندارىنان قورعاپ تۇر...

Abai.kz