الماتى قالاسىندا 2024 جىلعى 23 قاڭتارداعى جەر سىلكىنىسى كەزىندە ەرتە ەسكەرتۋ جۇيەسى ىستەمەي قالعانى ءۇشىن بىرنەشە شەنەۋنىككە سوت ۇكىمى شىقتى.

تەرگەۋ بارىسىندا TNS-INTEC جشس ديرەكتورى ساپاسىز جابدىق ورناتىپ، بيۋدجەت قاراجاتىن جىمقىرعانى انىقتالعان.

سونىمەن قاتار توتەنشە جاعدايلار دەپارتامەنتى باسشىسىنىڭ ءۇش ورىنباسارى مەن تەحنيكالىق قاداعالاۋ وكىلدەرى جۇيەنى قابىلداۋ كەزىندە نەمقۇرايلىق تانىتقانى ءۇشىن كىنالى دەپ تانىلدى.

سوت شەشىمىمەن ولار باس بوستاندىعىنان ايىرىلىپ، مەملەكەتتىك قىزمەتتە جۇمىس ىستەۋ قۇقىعىنان ايىرىلدى. «ادىلدىك جولى» قوعامدىق بىرلەستىگىنىڭ اتقارۋشى ديرەكتورى ديدار سماعۇلوۆتىڭ مالىمەتىنشە، ىستەن شىققان دابىل جۇيەسىنە بيۋدجەتتەن 1,1 ميلليارد تەڭگە بولىنگەن.

بۇل وقيعا الماتىداعى جەر سىلكىنىسى كەزىندە قالانىڭ قاۋىپسىزدىك جۇيەلەرىندەگى ولقىلىقتاردى ايقىن كورسەتكەن بولاتىن.

Abai.kz