«ازات» جالپىۇلتتىق سوتسيال-دەموكراتيالىق پارتياسىنا بىرىگۋ تۋرالى»
«ازات» قازاقستاننىڭ دەموكراتيالىق پارتياسى مەن جالپىۇلتتىق سوتسيال-دەموكراتيالىق پارتياسىنىڭ (جسدپ) بىرىككەن مالىمدەمەسى
قازاقستان 2009 جىلدى ءومىردىڭ بارلىق قىرلارىن - الەۋمەتتىك سالا، ەكونوميكا، ساياساتتى قامتىعان كۇردەلى داعدارىس جاعدايىندا اياقتاپ كەلەدى. باعا مەن تاريفتەردىڭ توقتاۋسىز ءوسۋى، شاعىن بيزنەستىڭ كۇيرەۋى، ۇكىمەتپەن زەينەتاقى مەن جاردەماقىلاردىڭ ءىس جۇزىندە «تولەنبەي تاستالۋىنان» قازاقستاندىقتاردىڭ جارتىسىنان كوبى كەدەيشىلىكتىڭ قامىتىن كيۋگە ءماجبۇر. قازاقستانداعى داعدارىستىڭ ءتۇبى كورىنبەۋى - ءاربىر كۇن ازاماتتاردى كەمسىتۋدە، قيناۋدا.
داعدارىس قازاقستاندىقتاردىڭ قالتاسىن قاعىپ جاتقان كەزدە، ونىڭ باستاپقى سەبەپشىسى بولعان اۆتوريتارلىق ساياسي جۇيە ءاربىر ازاماتتىڭ جاسامپازدىق ءومىرىنىڭ جىلدارىن، جاڭا بۋىننىڭ بولاشاعىن، كۇللى ەلدىڭ تاعدىرىن شەشەر تاريحىنا قول سۇعۋدا. ءوزىنىڭ پايداكۇنەمدىك مۇددەلەرىن قورعاي وتىرىپ، بيلەۋشى رەجيم قوعامىمىزدا تىنىستى تارىلتار قورقىنىشتىڭ، وتىرىكتىڭ، جاپپاي ماڭگۇرتتىكتىڭ احۋالىن قالىپتاستىرۋدا.
سايلاۋدى بۇرمالاۋدىڭ ماشيناسى ودان ءارى جەتىلدىرىلۋدە، مەيلى ول ساياسي پارتيانى تىركەۋ نەمەسە بەيبىت كوشە شەرۋى تۇرىندە بولسىن، باسقاشا وي ويلاۋدى ءبىلدىرۋ مۇمكىندىگى شەگىنە دەيىن ادەيى قيىنداتىلىپ وتىر. تىزگىنسىز كەتكەن قۇقىق قورعاۋ ورگاندارى مەن قۋىرشاق سوتتار قوسارلانعان قۋاتپەن گازەتتەردى جاۋىپ، تاۋەلسىز جۋرناليستەردى، قۇقىق قورعاۋشىلاردى، وتاندىق بيزنەستىڭ دەربەس وكىلدەرىن قۋدالاۋدا.
«ازات» قازاقستاننىڭ دەموكراتيالىق پارتياسى مەن جالپىۇلتتىق سوتسيال-دەموكراتيالىق پارتياسىنىڭ (جسدپ) بىرىككەن مالىمدەمەسى
قازاقستان 2009 جىلدى ءومىردىڭ بارلىق قىرلارىن - الەۋمەتتىك سالا، ەكونوميكا، ساياساتتى قامتىعان كۇردەلى داعدارىس جاعدايىندا اياقتاپ كەلەدى. باعا مەن تاريفتەردىڭ توقتاۋسىز ءوسۋى، شاعىن بيزنەستىڭ كۇيرەۋى، ۇكىمەتپەن زەينەتاقى مەن جاردەماقىلاردىڭ ءىس جۇزىندە «تولەنبەي تاستالۋىنان» قازاقستاندىقتاردىڭ جارتىسىنان كوبى كەدەيشىلىكتىڭ قامىتىن كيۋگە ءماجبۇر. قازاقستانداعى داعدارىستىڭ ءتۇبى كورىنبەۋى - ءاربىر كۇن ازاماتتاردى كەمسىتۋدە، قيناۋدا.
داعدارىس قازاقستاندىقتاردىڭ قالتاسىن قاعىپ جاتقان كەزدە، ونىڭ باستاپقى سەبەپشىسى بولعان اۆتوريتارلىق ساياسي جۇيە ءاربىر ازاماتتىڭ جاسامپازدىق ءومىرىنىڭ جىلدارىن، جاڭا بۋىننىڭ بولاشاعىن، كۇللى ەلدىڭ تاعدىرىن شەشەر تاريحىنا قول سۇعۋدا. ءوزىنىڭ پايداكۇنەمدىك مۇددەلەرىن قورعاي وتىرىپ، بيلەۋشى رەجيم قوعامىمىزدا تىنىستى تارىلتار قورقىنىشتىڭ، وتىرىكتىڭ، جاپپاي ماڭگۇرتتىكتىڭ احۋالىن قالىپتاستىرۋدا.
سايلاۋدى بۇرمالاۋدىڭ ماشيناسى ودان ءارى جەتىلدىرىلۋدە، مەيلى ول ساياسي پارتيانى تىركەۋ نەمەسە بەيبىت كوشە شەرۋى تۇرىندە بولسىن، باسقاشا وي ويلاۋدى ءبىلدىرۋ مۇمكىندىگى شەگىنە دەيىن ادەيى قيىنداتىلىپ وتىر. تىزگىنسىز كەتكەن قۇقىق قورعاۋ ورگاندارى مەن قۋىرشاق سوتتار قوسارلانعان قۋاتپەن گازەتتەردى جاۋىپ، تاۋەلسىز جۋرناليستەردى، قۇقىق قورعاۋشىلاردى، وتاندىق بيزنەستىڭ دەربەس وكىلدەرىن قۋدالاۋدا.
كوپشىلىك سانانىڭ ەڭ تۇرپايى فورمالارىن نەگىزگە العان، بيلىككە باعىنىشتى يدەولوگتار ازاماتتارىمىزعا «ۇلتتىڭ كوشباسشىسى تۋرالى» ساندىراق يدەيالاردى تاڭۋدا، ساياسي وپپوزيتسيانىڭ ءومىر ءسۇرۋ قۇقىنىڭ وزىنە كۇمان كەلتىرۋدە.
ەشكىمنەن دە قىسىلىپ-قىمتارىلماستان، بيلىك بۇل ورتاعاسىرلىق باسىپ-جانشۋ داعدىلارىن «قازاقستاننىڭ ەرەكشە دامۋ جولى» دەپ اتاپ، - داعدارىستان شىققان بويى، جاڭا كۇشپەن سالعان ءوز جولىمەن جاپپاي بيلەپ-توستەۋشىلىك پەن بايلىققا كەنەلە تۇسۋگە دايىندالۋدا.
جاعدايدىڭ بۇلاي دامۋىنا جول بەرمەۋگە، ءبىزدىڭ ەلىمىزدىڭ قازىرگى الەمنىڭ كۇرەسىن قوراسىنا ءبىرجولاتا ىسىرىپ تاستاۋىنا قازاقستان حالىقىنىڭ مەيلىنشە دايەكتى تۇردە بىلدىرىلگەن ەركى عانا كەدەرگى كەلتىرە الادى. ازاتتىق، ادىلەتتىلىك جانە اركىمنىڭ لايىقتى ءومىر سۇرۋىنەن باسقا «قازاقستاندىق جولدىڭ» بولۋى مۇمكىن ەمەستىگىن تۇسىنەتىن كەز كەلدى!
وسى تۇستا دەموكراتيالىق وپپوزيتسيانىڭ تەرەڭ ساياسي رەفورمالاردى دەرەۋ قولعا الۋداعى ورتاق مۇددەلىلىگى ەلىمىز ءۇشىن اسا ماڭىزدى مانگە يە. ول تاريحي ءساتتىڭ سان قيىنشىلىعىنا بايلانىستى پارتيالىق باعدارلامالاردىڭ ورىن العان ايىرماشىلىعىن تارك ەتىپ، وتانىمىزدىڭ تاعدىرىنا بەيقام قاراي المايتىن بارلىق كۇشتەردى مەيلىنشە بىرىگۋىن قاجەت ەتەدى.
اۆتوريتارلىق رەجيممەن بىرىگىپ كۇرەس جۇرگىزۋدىڭ كوپتەگەن جىلدارى، «ازات» قازاقستاننىڭ دەموكراتيالىق پارتياسى مەن جالپىۇلتتىق سوتسيال-دەموكراتيالىق پارتياسىنىڭ يدەيالىق-ساياسي پوزيتسياسى مەن ءىس جۇزىندەگى امالدارىنىڭ ءبىر-بىرىنە ەرەكشە جاقىندىعىن كورسەتتى. بىرىگىپ جۇمىس ىستەۋدىڭ كوپ قىرلى داستۇرلەرى مەن پىشىمدەرىنىڭ نەگىزى قالانىپ، ءوزىنىڭ بىرىككەن تۇردە جۇزەگە اسۋىن تالاپ ەتكەن بىرىڭعاي ارەكەتتەردىڭ كەڭ الەۋەتىن انىقتادى.
وسى ايتىلعانداردىڭ ءبارىن نەگىزگە الا وتىرىپ - بىزدەر «ازات» جانە جسدپ پارتيالارىنىڭ، «ازات» قازاقستاننىڭ جالپىۇلتتىق سوتسيال-دەموكراتيالىق پارتياسىنا بىرىگۋى تۋرالى مالىمدەيمىز.
بىزدەردىڭ بۇل قادامىمىز دەموكراتيالىق قوزعالىستىڭ جاڭا كەزەڭىن - بىرىككەن وپپوزيتسيانىڭ قازىرگى زامانعا ساي دەموكراتيالىق مەملەكەتى، قازاقستاننىڭ شىنايى تاۋەلسىزدىگى ءۇشىن كۇرەسىنىڭ كەزەڭىن ايگىلەيتىندىگىنە سەنىمدىمىز. «پارتيا بيلىگىنە» تولىققاندى قارسى كۇش رەتىندە، ەلىمىزدىڭ قوعامدىق ساحناسىنا اۆتوريتارلىق باسقارۋشى رەجيمگە بالاما رەتىندە ازاتتىق پەن الەۋمەتتىك ادىلەتتىلىك يدەيالارىن ۇسىنعان، زاماناۋي، قۋاتتى، شىن تسەنتريستىك پارتيا شىعىپ وتىر.
بىزدەر ەلىمىزدىڭ ازاماتتارىنا ءوز توڭىرەگىندە ناقتى ارەكەتتەردىڭ كەڭىستىگىن قۇرۋعا، تولىققاندى ازاماتتىق قوعامدى قۇرۋدىڭ قۋاتىن جيناقتاۋعا قابىلەتتى پارتيانى ۇسىنۋ ءۇشىن ءوز كۇشىمىزدى جۇمىلدىرامىز. بىرگە اتقارىلعان جۇمىس بارىسىندا ءوزىمىز جيناقتاعان تاجىريبە، قازاقستان جەرىندە دەموكراتيالىق جانە الەۋمەتتىك مەملەكەت ءۇشىن كۇرەستىڭ تەورياسى مەن پراكتيكاسىن بايىتۋعا قابىلەتتى ەكەندىگىنە سەنىمدىمىز.
بىزدەر «ادىلەتتى قازاقستان ءۇشىن!» بلوگىنىڭ باسقا قاتىسۋشىلارىمەن وتە تىعىز ىنتىماقتاستىقتا بولىپ، «بۇدان ءارى بۇلايشا ءومىر سۇرۋگە بولمايدى!» دەگەندى تۇسىنگەن جانە سوعان بەكىنگەن ەركىن ويلى بارلىق ازاماتتاردى جۇمىلدىرۋعا قابىلەتتى بىرىكتىرۋشى كۇش بولۋعا نيەتتىمىز.
«اباي-اقپارات»
