الماتىدا قالالىق ورتانىڭ ساپاسىن ارتتىرۋعا جانە ەكولوگيالىق مادەنيەتتى دامىتۋعا باعىتتالعان «تازا قازاقستان» باعدارلاماسىنىڭ جۇزەگە اسىرىلۋىنا ارنالعان كەڭەس ءوتتى. باعدارلاما اياسىندا ەكولوگيالىق ءبىلىم بەرۋدى جۇيەلى جۇرگىزۋ، مەكتەپ وقۋشىلارىن، جاستار ۇيىمدارىن جانە بەلسەندى تۇرعىنداردى تارتۋ، سونداي-اق قالانىڭ سانيتارلىق جاعدايىن كۇندەلىكتى قامتاماسىز ەتۋ جۇمىستارى جۇزەگە اسىرىلىپ كەلەدى.

باستى باعىتتاردىڭ ءبىرى — كوگالداندىرۋ. كوكتەمدە قالادا شامامەن 2 مىڭ ءىرى كولەمدى اعاش، 19 مىڭنان استام كوشەت جانە 10 مىڭنان اسا بۇتا ەگىلدى. كۇزدە جۇمىس جالعاسىن تاۋىپ، 3 مىڭ ءىرى اعاش، 18 مىڭنان استام كوشەت جانە شامامەن 360 مىڭ بۇتا ەگىلدى. بۇل شارالار ەكولوگيالىق جاعدايدى جاقسارتۋعا جانە جايلى قالا ورتاسىن قالىپتاستىرۋعا باعىتتالعان.

(سۋرەت : الماتى قالاسى اكىمدىگىنەن الىندى)

باعدارلامانىڭ ماڭىزدى قۇرامداس بولىگى — رەيدتىك ءىس-شارالار. جىل باسىنان بەرى 6,2 مىڭنان اسا حاتتاما تولتىرىلىپ، 5,5 مىڭنان استام ايىپپۇل سالىندى، ايىپپۇلدىڭ جالپى سوماسى 518 ملن تەڭگەدەن استى. رۇقساتسىز ساۋدانى جويۋ، زاڭسىز نىسانداردى بۇزۋ، سونداي-اق اۆتوكولىك پەن اۆتوبۋس شىعارىندىلارىنىڭ ۋىتتىلىعىن باقىلاۋ جۇرگىزىلىپ وتىر.

«تازا قازاقستان» باعدارلاماسىنىڭ ورىندالۋى تۇراقتى باقىلاۋدا. قابىلدانعان شارالاردىڭ تيىمدىلىگى ۇنەمى باعالانىپ، قاجەت بولعان جاعدايدا تۇزەتىلەدى. نەگىزگى ماقسات — تۇرعىندار ناقتى وزگەرىستى سەزىنەتىن، تازا، جايلى ءارى ەكولوگيالىق قالاعا اينالدىرۋ.

Abai.kz