ەلىمىزدە بيوالۋانتۇرلىلىكتى ساقتاۋ باعىتىنداعى جۇمىستار كۇشەيتىلىپ جاتىر.

بۇل تۋرالى ەكولوگيا جانە تابيعي رەسۋرستار ءمينيسترى ەرلان نىسانباەۆ جىل قورىتىندىسىنا ارنالعان ءباسپاسوز بريفينگى بارىسىندا مالىمدەدى.

ايتۋىنشا، بيىل ءتيىستى تۇجىرىمدامانى بەكىتۋ جوسپارلانۋدا.

جالپى العاندا ەلىمىزدە سيرەك كەزدەسەتىن جانۋارلار تۇرلەرى: ارقار، جەيران، قۇلان جانە توعاي بۇعىسىنىڭ سانى ارتىپ كەلەدى. تۇران جولبارىسى مەن كەرتاعى، ياعني پرجەۆالسكي جىلقىسىن قايتا جەرسىندىرۋ بويىنشا اۋقىمدى جوبالار جۇرگىزىلۋدە، - دەپ اتاپ ءوتتى ۆەدومستۆو باسشىسى.

سونىمەن قاتار مينيستر پراگا زووباعىمەن بىرلەسىپ، 2024-2025 جىلدارى 14 كەرتاعى جىلقىسى ەلىمىزگە جەتكىزىلگەنىن العا تارتتى.

2026 جىلدىڭ ماۋسىم ايىندا تاعى دا 7–8 جىلقىنى اكەلۋ جوسپارلانىپ وتىر. رەسەي فەدەراتسياسىمەن ۋاعدالاستىق بويىنشا جولبارىستى قايتا جەرسىندىرۋ باعدارلاماسى جۇزەگە اسىرىلۋدا. 2026 جىلى 3–4 جولبارىس اكەلۋ كۇتىلۋدە، - دەدى ەرلان نىسانباەۆ.

Abai.kz