تاۋارلاردى قازاقستان رەسپۋبليكاسىنىڭ اۋماعىنان ەۋرازيالىق ەكونوميكالىق وداققا مۇشە باسقا مەملەكەتتىڭ اۋماعىنا ەكسپورتتاۋ كەزىندە قوسىلعان قۇن سالىعىنىڭ نولدىك مولشەرلەمەسى قولدانىلادى.

ەگەر وسى تاراۋدا وزگەشە بەلگىلەنبەسە، تاۋارلاردى قازاقستان رەسپۋبليكاسىنىڭ اۋماعىنان ەۋرازيالىق ەكونوميكالىق وداققا مۇشە باسقا مەملەكەتتىڭ اۋماعىنا ەكسپورتتاۋ كەزىندە قوسىلعان قۇن سالىعىن تولەۋشىنىڭ وسى كودەكستىڭ 49-تاراۋىنا سايكەس قوسىلعان قۇن سالىعىن ەسەپكە جاتقىزۋعا قۇقىعى بار.

وسى باپتىڭ ەرەجەلەرى ولاردى دايىنداۋ تۋرالى شارتتار بويىنشا جۇمىستاردى ورىنداۋ ناتيجەسى بولىپ تابىلاتىن، اۋماعىندا ولاردى دايىنداۋ بويىنشا جۇمىستار ورىندالعان قازاقستان رەسپۋبليكاسىنىڭ اۋماعىنان ەۋرازيالىق ەكونوميكالىق وداققا مۇشە باسقا مەملەكەتتىڭ اۋماعىنا اكەتىلەتىن تاۋارلارعا قاتىستى دا قولدانىلادى. كورسەتىلگەن تاۋارلارعا الىس-بەرىس شيكىزاتىن قايتا وڭدەۋ جونىندەگى جۇمىستاردى ورىنداۋ ناتيجەسى بولىپ تابىلاتىن تاۋارلار جاتپايدى.

تاۋارلارعا مەنشىك قۇقىعىنىڭ ليزينگ الۋشىعا ءوتۋىن كوزدەيتىن ليزينگ شارتى (كەلىسىمشارتى) بويىنشا، زاتتار تۇرىندە قارىز بەرۋدى كوزدەيتىن شارت (كەلىسىمشارت) بويىنشا، تاۋارلاردى دايىنداۋ تۋرالى شارت (كەلىسىمشارت) بويىنشا تاۋارلاردى (ليزينگ نىسانالارىن) قازاقستان رەسپۋبليكاسىنىڭ اۋماعىنان ەۋرازيالىق ەكونوميكالىق وداققا مۇشە باسقا مەملەكەتتىڭ اۋماعىنا اكەتۋ كەزىندە قوسىلعان قۇن سالىعىنىڭ نولدىك مولشەرلەمەسى قولدانىلادى.

الماتى قالاسى، اۋەزوۆ اۋدانى بويىنشا مەملەكەتتىك كىرىستەر باسقارماسى

Abai.kz