«اتامەكەن» ۇلتتىق كاسىپكەرلەر پالاتاسىنىڭ سەزىندە پالاتا پرەزيديۋمىنىڭ جاڭا توراعاسى سايلاندى. بۇل قىزمەتتى 2025 جىلدىڭ قىركۇيەگىندە قر پرەزيدەنتىنىڭ ەكونوميكالىق ماسەلەلەر جونىندەگى كومەكشىسى لاۋازىمىنان بوساتىلعان قانات شارلاپاەۆ اتقاراتىن بولدى.  

2022 جىلدان بەرى پالاتا پرەزيديۋمىنىڭ توراعاسى قىزمەتىن رايىمبەك باتالوۆ اتقارىپ كەلدى.

قانات شارلاپاەۆ 1981 جىلى ساراتوۆ وبلىسىندا دۇنيەگە كەلگەن، قازاقستان رەسپۋبليكاسىنىڭ ازاماتى.

ساراتوۆ الەۋمەتتىك-ەكونوميكالىق ۋنيۆەرسيتەتىن (رف), Cranfield School of Management (ۇلىبريتانيا) تامامداعان. ەڭبەك جولىن 2003 جىلى بانك سەكتورىندا باستادى.

2006-2008 جىلدارى وڭىرلىك كەڭسەنىڭ قارجى دەپارتامەنتىندە، جوبالاردى باسقارۋ دەپارتامەنتىندە، وپەراتسيالىق-تەحنولوگيالىق دەپارتامەنتىندە، «سيتي» ينۆەستبانكىنىڭ ساتۋ باسقارماسىندا (ۇلىبريتانيا، چەحيا) جۇمىس ىستەدى.

2008-2014 جىلدارى - «سيتي» ينۆەستبانك اكتسيالار نارىعىندا جۇمىس جونىندەگى وڭىرلىك ديۆيزيونىنىڭ اعا تالداۋشىسى، ۆيتسە-پرەزيدەنتىنىڭ كومەكشىسى، ۆيتسە-پرەزيدەنتى (لوندون، ۇلىبريتانيا).

2014-2015 جىلدارى – «سيتي» ينۆەستبانكىنىڭ ەۋروپا، تاياۋ شىعىس جانە افريكا بويىنشا ستراتەگيالىق جوسپارلاۋ جانە تالداۋ وڭىرلىك توبىنىڭ ۆيتسە-پرەزيدەنتى (لوندون، ۇلىبريتانيا).

2015-2017 جىلدارى - سيتيبانك قازاقستاننىڭ باس قارجى ديرەكتورى، باسقارما توراعاسىنىڭ ورىنباسارى، اعا ۆيتسە-پرەزيدەنتى.

2017-2020 جىلدارى - رەسەي سيتيبانكىنىڭ رەسەي، ۋكراينا جانە قازاقستان بويىنشا باس قارجى ديرەكتورى، اعا ۆيتسە-پرەزيدەنتى.

2020-2022 جىلدارى – «سيتي» ينۆەستيتسيالىق بانكىنىڭ ء(باا) افريكا، تاياۋ شىعىس پەن شىعىس ەۋروپانىڭ دامۋشى نارىقتارىنداعى ستراتەگيا، جوسپارلاۋ جانە تالداۋ جونىندەگى وڭىرلىك ديرەكتورى.

Abai.kz