الماتى قالاسى پروكۋراتۋراسىنىڭ ۇيلەستىرۋىمەن قۇقىق قورعاۋ ورگاندارى جالپى 300 ملن تەڭگەدەن استام شىعىن كەلتىرگەن ينتەرنەت-الاياقتىق پەن نەسيەلەردى زاڭسىز راسىمدەۋگە قاتىسى بار قىلمىستىق توپتاردىڭ جولىن كەستى.

ءبىرىنشى جاعدايدا شابۋىلداۋشىلار وزدەرىن مەملەكەتتىك ورگاندار مەن بانكتەردىڭ قىزمەتكەرلەرى رەتىندە كورسەتە وتىرىپ، قارت ازاماتتاردان اقشانى، ونىڭ ىشىندە پاتەرلەردى ساتۋدان الىنعان جانە بانك دەپوزيتتەرىنەن الىنعان اقشانى ۇرلاپ كەتكەن. اقشانى بەرۋ جەتكىزۋ قىزمەتتەرىنىڭ كۋرەرلەرى ارقىلى جۇزەگە اسىرىلعان.

ەكىنشى ەپيزودتا الەۋمەتتىك وسال تۇلعالارعا قايتارىمسىز اۆتوكرەديتتەردى راسىمدەپ، كەيىننەن اۆتوكولىكتەردى، ونىڭ ىشىندە قر اۋماعىنان تىسقارى جەرلەرگە اكەتىپ، قايتا ساتقان ۇيىمداسقان توپ انىقتالدى. قارجى ۇيىمدارىنا كەلتىرىلگەن شىعىن 66 ملن تەڭگەدەن استى.

جەدەل-تەرگەۋ شارالارى بارىسىندا 10-نان استام كۇدىكتى ۇستالدى، كۇدىكتىلەردىڭ بىرەۋىنە ىزدەۋ جاريالاندى، ونداعان ءتىنتۋ جۇرگىزىلىپ، اقشالاي قاراجات، قارۋ، ۇيالى تەلەفوندار مەن قۇجاتتار تاركىلەندى.

الماتى قالاسىنىڭ پروكۋراتۋراسى، مەملەكەتتىك ورگاندار مەن بانكتەر اقشا بەرۋدى تالاپ ەتپەيدى، قىلمىستىق ىستەردى سىلتاۋراتىپ، قوقان-لوقى كورسەتىپ نەمەسە قورقىتىپ قوڭىراۋ شالمايتىنىن  ەسكەرتەدى.

كۇدىكتى قوڭىراۋلار شالىنعان جاعدايدا دەرەۋ قۇقىق قورعاۋ ورگاندارىنا جۇگىنۋ كەرەك.

الماتى قالاسىنىڭ پروكۋراتۋراسى 

Abai.kz