جالپىۇلتتىق سوتسيال-دەموكراتيالىق پارتيانىڭ (جسدپ) ورتالىق اپپاراتىندا پارتيانىڭ باستاۋىش ۇيىمدارى وكىلدەرىنىڭ قاتىسۋىمەن كونستيتۋتسيالىق رەفورماعا ارنالعان جان-جاقتى تالقىلاۋ ءوتتى.

جيىنعا اقمولا جانە قاراعاندى وبلىستارىنان، سونداي-اق استانا قالاسىنان باستاۋىش پارتيا ۇيىمدارىنىڭ وكىلدەرى قاتىستى. ءىس-شارانىڭ نەگىزگى ماقساتى،  حالىق تالقىسىنا ۇسىنىلىپ وتىرعان كونستيتۋتسيانىڭ جاڭا جوباسىنا ەنگىزىلگەن وزگەرىستەردىڭ ماڭىزدىلىعىن ءتۇسىندىرۋ، وعان قاتىستى ۇسىنىلعان وزگە دە ۇستانىمدار بويىنشا پىكىر الماسۋ، سونداي-اق اتا زاڭ جوباسىن وڭىرلەردە تالقىلاۋ بارىسىن پىسىقتاۋ بولدى. بۇل ءوز كەزەگىندە پارتيا قۇرىلىمدارىنىڭ قوعامداعى ءرولىن ايقىنداي ءتۇستى.

كەزدەسۋ بارىسىندا قر پارلامەنتى ءماجىلىسىنىڭ دەپۋتاتى، جسدپ توراعاسى اسحات راقىمجانوۆ قاتىسۋشىلارعا ۇسىنىلىپ وتىرعان كونستيتۋتسيا جوباسى ەلدىڭ بولاشاق دامۋى مەن قالىپتاسۋىنا باعىتتالعان جاڭا باعدار ەكەنىن اتاپ ءوتتى. سونىمەن قاتار، پارتيا توراعاسى ەلىمىزدە جۇزەگە اسىرىلىپ جاتقان اۋقىمدى رەفورمالاردى الەمدىك دەڭگەيدەگى «سوتسياليستىك ينتەرناتسيونال» حالىقارالىق ساياسي ۇيىمىنىڭ تولىقتاي قولدايتىنىن جەتكىزدى. ايتا كەتۋ كەرەك، جالپىۇلتتىق سوتسيال-دەموكراتيالىق پارتيا – قازاقستانداعى وسى حالىقارالىق ساياسي ۇيىمعا مۇشە بىردەن-ءبىر پارتيا.

جيىن بارىسىندا قاتىسۋشىلار كونستيتۋتسيا جوباسىنىڭ نەگىزگى باعىتتارىن، ونىڭ قوعامدىق-ساياسي دامۋ ءۇشىن ماڭىزىن، سونداي-اق الەۋمەتتىك سالاعا، ەڭبەك قاتىناستارىنا جانە مەملەكەتتىك باسقارۋ جۇيەسىنە ىقتيمال اسەرىن جان-جاقتى سارالادى. ۇسىنىلىپ وتىرعان وزگەرىستەردى تەرەڭ ءارى جان-جاقتى ءتۇسىنىپ، ونى قوعام مۇشەلەرىنە جۇيەلى تۇردە ءتۇسىندىرۋ قاجەتتىگى ەرەكشە اتاپ ءوتىلدى.

قاتىسۋشىلار ازاماتتاردىڭ اتا زاڭ جوباسىنا بەي-جاي قاراماۋى كەرەكتىگىن ايتىپ، وڭىرلىك ەرەكشەلىكتەر مەن حالىقتىڭ ناقتى سۇرانىستارىن ەسكەرە وتىرىپ، الداعى ۋاقىتتا ازاماتتاردىڭ تالاپ-تىلەكتەرىن زاڭ اياسىندا جۇيەلەۋ قاجەتتىگى دە ءسوز بولدى.

ديالوگ بارىسىندا جسدپ وكىلدەرى حالىق تاراپىنان كەلىپ تۇسەتىن بارلىق وتىنىشتەر مەن ۇسىنىستاردىڭ نازاردان تىس قالمايتىنىن جەتكىزدى. سونىمەن قاتار، كونستيتۋتسيالىق رەفورما اياسىندا «حالىق كەڭەسى» مەن قۇرىلتايدىڭ، سونداي-اق ساياسي پارتيانىڭ اتقارىپ جاتقان قىزمەتىنىڭ بارلىعى حالىق مۇددەسىنە باعىتتالعان. بۇل باعىت پرەزيدەنتتىڭ «حالىق ۇنىنە قۇلاق اساتىن مەملەكەت» قاعيداسىمەن دە ۇندەس ەكەنى ەگجەي-تەگجەيلى باياندالدى.

كەزدەسۋ قورىتىندىسى بويىنشا جسدپ-نىڭ باستاۋىش پارتيا ۇيىمدارى وڭىرلەردە ءتۇسىندىرۋ جانە پىكىرتالاس جۇمىستارىن بەلسەندى تۇردە جالعاستىرۋعا دايىن ەكەندەرىن راستادى.

ءىس-شارا ىسكەرلىك جانە كونسترۋكتيۆتى جاعدايدا ءوتىپ، پارتيا بەلسەندىلەرىنىڭ كونستيتۋتسيالىق وزگەرىستەردىڭ نەگىزگى باعىتتارىن تالقىلاۋعا بەلسەندى قاتىسقانىن ناقتىلاندى.

Abai.kz