جاپونيادا ەل نامىسىن قورعاپ جۇرگەن كاسىپقوي سۋموشى ەرسىن بالتاعۇل قازاقستاندىق سپورتشىلارمەن جانە جاس بالۋاندارمەن جۇزدەستى.

كەزدەسۋگە قازاق كۇرەسىنىڭ تۇيە بالۋاندارى مەن Qazaqstan Barysy ءتۋرنيرىنىڭ جەڭىمپاز-جۇلدەگەرلەرى – بەيبىت ىستىباەۆ، رۋسلان ابدىرازاقوۆ، مۇحيت تۇرسىنوۆ، ەراسىل قاجىباەۆ، سونداي-اق پاريج وليمپياداسىنىڭ قولا جۇلدەگەرى عۇسمان قىرعىزباەۆ باستاعان دزيۋدو قۇراماسىنىڭ سپورتشىلارى قاتىستى.

شارا بارىسىندا جاس بالۋاندار قادىرمەندى قوناققا ءتول كۇرەسىمىزىدڭ ءادىس-تاسىلدەرىن كورسەتىپ، سۋمو مەن قازاق كۇرەسىنىڭ ۇندەستىگىن پاش ەتتى. ەرسىن بالتاعۇل ءوز كەزەگىندە سۋمودا ءجيى قولداناتىن ادىستەرىن تانىستىرىپ، تاجىريبەسىمەن ءبولىستى.

سۋرەت: Qazaq Kuresi اسسوتسياتسياسىنان الىندى.

كاسىپقوي سپورتتاعى تابىسىمنىڭ كىلتى – ەڭبەك، ءتارتىپ جانە ۇلتتىق نەگىزدەن اجىراماۋ. مەن قازاق كۇرەسى مەن دزيۋدو مەكتەبىنەن قالىپتاستىم. جاپونداردا «وندۋوشين ي» دەگەن ۇعىم بار، ياعني زالدىڭ رۋحىن سەزىنۋ. مەن دە كىلەم مەن زالدىڭ تىنىسىن سەزىنۋدى ءتول كۇرەسىمىزدىڭ مەكتەبىنەن ۇيرەندىم. بۇعان مىسال كەلتىرەتىن بولسام، مەن سۋمو بەلدەسۋلەرىندە قازاق كۇرەسىنىڭ «جامباس» ءادىسىن ءجيى قولدانامىن، – دەدى سپورتشى.

شارا سوڭىندا Qazaq Kuresi اسسوتسياتسياسىنىڭ باس ديرەكتورى مەيىرجان بەرەكەتوۆ ەرسىن بالتاعۇلعا قۇرمەت كورسەتىپ، يىعىنا قازاقى داستۇرمەن شاپان جاۋىپ، ەستەلىك كادەسىي تابىستادى.

بۇل كەزدەسۋ جاس سپورتشىلار ءۇشىن ۇلكەن موتيۆاتسيا ءارى ۇلتتىق رۋح پەن حالىقارالىق تاجىريبەنىڭ توعىسقان تاعىلىمدى ءساتى بولدى.

Abai.kz