زەلەنسكي: مەن ءوزىمنىڭ الدىمداعىلاردىڭ نەمەسە باسقالاردىڭ قاتەلىكتەرىن قايتالايتىن پرەزيدەنت بولعىم كەلمەيدى!

جەنەۆا كەلىسسوزدەرى قارساڭىندا ۋكراينا پرەزيدەنتى: «اگرەسسورعا قالاعان دۇنيەسىن الۋعا رۇقسات بەرۋ - ۇلكەن قاتەلىك»، - دەپ مالىمدەدى.

«بۇل باسىنان باستاپ قاتەلىك بولدى. 2014 جىلى ۇلكەن قاتەلىككە جول بەرىلدى. ءتىپتى ودان دا بۇرىن! گرۋزيانىڭ ءبىر بولىگىنە شابۋىل جاساپ، باسىپ الۋ كەزىندە قاتەلىككە جول بەرىلدى. كەرەك دەسەڭىز، ودان دا بۇرىن، شەشەنستاندى باسىپ الۋ كەزىندە، ءبارى قيراپ، ميلليونداعان قۇرباندار، قازا تاپقاندار مەن جارالانعاندار بولعان كەزدە قاتەلىككە جول بەرىلدى. سودان بەرى كوپ قاتەلىك جاسادىق. سوندىقتان قازىر مەن ءوزىمنىڭ الدىمداعىلاردىڭ نەمەسە باسقالاردىڭ قاتەلىكتەرىن قايتالايتىن پرەزيدەنت بولعىم كەلمەيدى»، - دەدى زەلەنسكي.

زەلەنسكي بۇل سوزدەر ۋكرايناعا عانا ەمەس، سونداي-اق رەسەيدىڭ يمپەرشىل بيلىگىنە ءوز اۋماعىنا باسىپ كىرۋگە جول بەرگەن ەلدەردىڭ بارلىعىنا قاتىستى ەكەنىن ناقتىلاپ ايتتى.

«ءپۋتيندى گۇل شوقتارىمەن توقتاتۋ مۇمكىن ەمەس. مەن مۇنى ەشقاشان ىستەگەن ەمەسپىن، سوندىقتان بۇل دۇرىس ەمەس دەپ ويلايمىن. بارلىعىنا كەڭەسىم: پۋتينگە ولاي ىستەمەڭدەر! ايتپەسە، بۇل قاتەلىكتىڭ ءبىرىنشى قادامى بولادى، سودان كەيىن بەس جىلدان كەيىن ول ءوز ارمياسىن قايتا قۇرىپ، سانىن كوبەيتەدى جانە ونىڭ ارمياسى جاقسى دايىندالعان بولىپ شىعادى. قازىر ول كوپ ساربازىن جوعالتتى. قازىرگى ۋاقىتتا ول ايىنا 30 000-35 000 ادامىن قۇربان ەتۋدە. قازىرگىدەي XXI عاسىردا مۇنى ەلەستەتە الاسىز با؟ ول ءتىپتى مۇنشا ادام شىعىنى تۋرالى بىلمەۋى، حابارسىز بولۋى مۇمكىن»، - دەدى زەلەنسكي.

Abai.kz