سانكت-پەتەربۋرگ اسكەري سوتى قازاقستاندىق ستۋدەنت گارري ازارياندى تەرروريزمدى اقتاۋ بابى بويىنشا كىنالى دەپ تانىپ، 2 جىلعا باس بوستاندىعىنان ايىردى.

مەملەكەتتىك ايىپتاۋشى 3 جىل، ال ادۆوكات ايىپپۇل تۇرىندەگى جازا سۇراعان.

تەرگەۋ نۇسقاسىنا سايكەس، ايىپتالۋشى بيلىكتى كۇشپەن قۇلاتۋعا قاتىستى يدەيالاردى قولداعان دەگەن كۇدىككە ىلىنگەن. پروكۋرور اۋىرلاتاتىن جاعداي رەتىندە ونىڭ رەسەيدەگى موبيليزاتسيا كەزەڭىندە ۋكرايناداعى سوعىسقا قاتىستى پىكىر بىلدىرگەنىن اتاعان. سوتتا سوڭعى سوزىندە ازاريان كىناسىن مويىنداپ، وكىنەتىنىن، قوعامعا قايتا ورالىپ پايدالى بولعىسى كەلەتىنىن ايتقان.

23 جاستاعى ستۋدەنت سانكت-پەتەربۋرگ مەملەكەتتىك ۋنيۆەرسيتەتىندە ءبىلىم العان، ماگيستراتۋرادا وقىعان. 2025 جىلعى مامىردا قاماۋعا الىنعان. تەرگەۋ ماتەريالدارى بويىنشا ول «جۇمىسشى بيلىگى» ۇيىمىنىڭ ستۋدەنتتىك ۇياشىعىنا قاتىسى بولۋى مۇمكىن دەپ كۇدىكتەلگەن.

Abai.kz