قوستاناي وبلىسى اكىمىنىڭ ورىنباسارى ۇستالدى
اكىمنىڭ ايتۋىنشا، ءىستى بولعان ورىنباسارى گۇلبارام مۇساعازينا 11 اقپاندا ءوز وتىنىشى بويىنشا قىزمەتىنەن بوساتىلعان.
قوستاناي وبلىسىنىڭ اكىمى قۇمار اقساقالوۆ "توبىلينفو" باسىلىمىنا ورىنباسارىنىڭ ۇستالۋىنا قاتىستى پىكىر ءبىلدىردى.
"وزدەرىڭىزگە بەلگىلى، گۇلبارام مۇساعازيناعا قاتىستى سوتقا دەيىنگى تەرگەۋ باستالعانى تۋرالى اقپارات تارادى. قازىرگى ۋاقىتتا تەرگەۋ شارالارى جۇرگىزىلۋدە. زاڭناماعا سايكەس، مەملەكەتتىك ورگان تەرگەۋ بارىسىنا ارالاسپايدى جانە قانداي دا ءبىر باعا بەرە المايدى. بارلىق ءمان-جايلار وبەكتيۆتى ءارى جان-جاقتى قارالادى دەپ سەنەمىن", – دەدى قۇمار اقساقالوۆ.
ايتا كەتەيىك، بۇعان دەيىن ۇقك ءباسپاسوز قىزمەتى قوستاناي وبلىسى اكىمىنىڭ ورىنباسارىنا قاتىستى سوتقا دەيىنگى تەرگەۋ باستالعانىن راستاعان بولاتىن.
Abai.kz
