الماتىدا سوت «قازتاگ» باس رەداكتورى امير قاسەنوۆكە قاتىستى بۇلتارتپاۋ شاراسىن ۇزارتتى. ول تاعى ءۇش ايعا دەيىن ۇيقاماقتا قالادى.

بۇل تۋرالى ونىڭ جۇبايى ايگۇل كاسەنوۆا مالىمدەدى.

– ياعني، قازاقتىڭ جاڭا جىلى – ناۋرىز مەرەكەسىن دە ول ۇيدە وتكىزەدى. سونىمەن قاتار تەرگەۋدىڭ ۇيقاماقتى ۇزارتۋ جونىندەگى وتىنىشىندە كۇيەۋىمنىڭ بوي تاسالاۋى، تەرگەۋ بارىسىنا قانداي دا ءبىر كەدەرگى كەلتىرۋى نەمەسە زاڭسىز ارەكەتتەرمەن اينالىسۋى مۇمكىن ەكەنىنە قاتىستى دالەلدەر جوق. ۇزارتۋعا سەبەپ رەتىندە مۇلدە باسقا نەگىزدەر – تەرگەۋ امير قاسەنوۆتىڭ قاتىسۋىنسىز دا جۇرگىزە الاتىن بىرقاتار پروتسەسسۋالدىق ارەكەتتەر كورسەتىلگەن، – دەدى ول.

سونداي-اق قاسەنوۆا قورعاۋ تاراپى ۇيقاماقتى ۇزارتۋ تۋرالى ءوتىنىش بەرۋ كەزىندە جىبەرىلگەن زاڭبۇزۋشىلىقتارعا نازار اۋدارعانىن ايتتى. ادۆوكات ءسالىمجان مۋسين بۇل ماسەلەلەردى سوتتىڭ نازارىنا ۇسىنعان، الايدا، ونىڭ پىكىرىنشە، اتالعان ۋاجدەر ەسكەرۋسىز قالعان.

ءامىر قاسەنوۆ 23 جەلتوقسان كۇنى كەشكە استانادا تەرگەۋ ارەكەتتەرىنە شاقىرىلعاننان كەيىن ۇستالدى. جۋرناليستەسىل اۋداندىق پوليتسيا بولىمىنە جەتكىزىپ، ۋاقىتشا ۇستاۋ يزولياتورىنا قامالعان. پوليتسيا ۇستاۋدى راستاپ، تەرگەۋدىڭ جەكە كومپانيانىڭ بيزنەس رەپۋتاتسياسىنا زيان كەلتىرەتىن جالعان اقپاراتتى بىرنەشە رەت تاراتۋى تۋرالى شاعىم نەگىزىندە جۇرگىزىلىپ جاتقانىن حابارلادى.

بۇعان دەيىن اسەت ماتاەۆ پەن ءامىر قاسەنوۆ Freedom Finance كومپانياسىنىڭ شاعىمىنان كەيىن كۇدىكتى رەتىندە تانىلعانى بەلگىلى بولدى. ولارعا قر قك 274-بابى «جالعان اقپارات تاراتۋ» بويىنشا ايىپ تاعىلۋدا. بۇعان اگەنتتىككە جاريالانعان، وزدەرىن زارداپ شەككەندەر دەپ اتاعان ادامداردىڭ اڭگىمەلەرى نەگىز بولعان.

Abai.kz