قازاقستاندا الداعى رەسپۋبليكالىق رەفەرەندۋم قارساڭىندا اۋقىمدى اقپاراتتىق جۇمىس جالعاسىپ جاتىر: جاڭا كونستيتۋتسيا جوباسى تۋرالى ءتۇرلى انىقتامالىق جانە تانىمدىق ماتەريالدار كۇن سايىن حالىق كوپ باراتىن جەرلەرگە ورنالاستىرىلىپ، كورسەتىلۋدە. ونىڭ ىشىندە حالىققا قىزمەت كورسەتۋ ورتالىقتارى مەن مەديتسينالىق مەكەمەلەر بار.

اقپاراتتىق باننەرلەر «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ بارلىق 322 فرونت-وفيستەرىندە ورنالاستىرىلعان. قوسىمشا بەينەماتەريالدار 3 مىڭ قايتالاپ كورسەتەتىن مونيتورلار ارقىلى تاراتىلادى، بۇل كۇتۋ زالدارى مەن حالىققا قىزمەت كورسەتۋ ايماقتارىندا قاجەتتى اقپاراتتىڭ ۇسىنىلۋىن قامتاماسىز ەتەدى.

حقكو-لاردى نەگىزگى الاڭداردىڭ ءبىرى رەتىندە تاڭداۋعا سەبەپ ولارعا كەلۋشىلەردىڭ تۇراقتى ءارى جوعارى قارقىندى بولۋىمەن بايلانىستى: حالىققا قىزمەت كورسەتۋ ورتالىقتارى تاۋلىگىنە ورتا ەسەپپەن 63 مىڭعا جۋىق ازاماتتى قابىلدايدى.

سونىمەن بىرگە، اقپاراتتاندىرۋ مەديتسينالىق ينفراقۇرىلىم ەسەبىنەن دە كەڭەيۋدە. قازاقستاندا 545 مەديتسينالىق مەكەمە ەل ازاماتتار ءۇشىن جاڭا كونستيتۋتسيا جانە الداعى رەفەرەندۋم تۋرالى قوسىمشا اقپارات تاراتۋدىڭ قوسىمشا نۇكتەلەرىنە اينالدى.

ەڭ كوپ مەديتسينالىق مەكەمە رەسپۋبليكالىق ماڭىزى بار قالالاردى قامتىعان: الماتىدا – 76, شىمكەنتتە – 60, استانادا – 31. وبلىستار اراسىندا مەديتسينالىق ينفراقۇرىلىمنىڭ ايتارلىقتاي كولەمى تۇركىستان وبلىسىندا – 45, اتىراۋ وبلىسىندا – 34 جانە اقمولا وبلىسىندا – 32 نىسان بار.

وسىلايشا ازاماتتار ءجيى باراتىن جەرلەردە ءتۇسىندىرۋ جۇمىستارى جۇيەلى تۇردە ۇيىمداستىرىلىپ وتىر.  وسىنىڭ ارقاسىندا رەفەرەندۋم جانە داۋىس بەرۋ پروتسەدۋرالارى تۋرالى اقپارات حالىق ءجيى باس سۇعاتىن ۇيرەنشىكتى ورىنداردا قول جەتىمدى بولادى.

Abai.kz