الماتىدا «ادىلەتتى جانە پروگرەسسيۆتى قازاقستاننىڭ حالىقتىق كونستيتۋتسياسى ءۇشىن!» جالپىۇلتتىق كواليتسياسى وكىلدەرىنىڭ جۇرتشىلىقپەن كەزدەسۋلەر سەرياسى جالعاسۋدا. كەزدەسۋلەر بارىسىندا جاڭا كونستيتۋتسيا جوباسىنىڭ نەگىزگى ەرەجەلەرى مەن الداعى رەسپۋبليكالىق رەفەرەندۋمنىڭ ماڭىزى تالقىلانۋدا.

كەزەكتى كەزدەسۋ قالاداعى كاسىپوداق ۇيىمدارىنىڭ جەتەكشىلەرىمەن ءوتتى. اشىق ديالوگ فورماتىندا قاتىسۋشىلار قوعامدىق دامۋ مەن الەۋمەتتىك ساياسات ماسەلەلەرىن، سونداي-اق نەگىزگى زاڭ جوباسىنىڭ باستى ەرەجەلەرىن تالقىلادى.

قر پارلامەنتى سەناتىنىڭ دەپۋتاتى نۋريا نيازوۆا كونستيتۋتسيا جوباسىن مازمۇندى تالقىلاۋدىڭ ماڭىزدىلىعىن اتاپ ءوتتى.

— دەكلاراتيۆتىلىك پەن فورمالدى تاسىلگە جول بەرمەي، مازمۇندى تالقىلاۋ جۇرگىزۋ اسا ماڭىزدى. كونستيتۋتسيا — قوعامدىق ۇدەرىستەردى بەينەلەيتىن جانە مەملەكەتتىڭ دامۋ باعىتىن ايقىندايتىن بازالىق قۇجات، — دەدى ول.

كەزدەسۋ قورىتىندىسى بويىنشا كاسىپوداق ۇيىمدارىنىڭ وكىلدەرى الداعى رەفەرەندۋمدى قولدايتىندىقتارىن ءبىلدىردى.

سونداي-اق سەناتور سۇلتانبەك ماكاجانوۆ الماتى قالاسىنىڭ بەلسەندى ۇزاق ءومىر ءسۇرۋ ورتالىعىنىڭ وكىلدەرىمەن كەزدەستى. كەزدەسۋ بارىسىندا تاراپتار جاڭا كونستيتۋتسيا جوباسى مەن الداعى داۋىس بەرۋگە ازاماتتاردىڭ قاتىسۋىنىڭ ماڭىزى جونىندە پىكىر الماستى.

— ءار تاريحي كەزەڭدە ەلدىڭ جاڭا باعدارلارى قالىپتاسادى. ءبىزدىڭ تاڭداۋىمىز بەن ازاماتتىق بەلسەندىلىگىمىز بالالارىمىز بەن نەمەرەلەرىمىزدىڭ لايىقتى بولاشاعىنا نەگىز بولادى، — دەدى سەناتور.

اعا بۋىن وكىلدەرى رەفەرەندۋمنىڭ ماڭىزدىلىعىن اتاپ ءوتىپ، الداعى كونستيتۋتسيالىق وزگەرىستەردى قولدايتىندىقتارىن جەتكىزدى.

سونىمەن قاتار قالادا سەناتورلار توبىنىڭ الماتى قالالىق ءماسليحاتى دەپۋتاتتارىنىڭ قاتىسۋىمەن AMANAT پارتياسى قالالىق فيليالى جانىنداعى ايەلدەر قاناتىنىڭ بەلسەندىلەرىمەن كەزدەسۋى ءوتتى. قاتىسۋشىلار جاڭا كونستيتۋتسيا جوباسىنىڭ نەگىزگى ەرەجەلەرىن، سونداي-اق ايەلدەردىڭ قوعامنىڭ قوعامدىق-ساياسي ومىرىندەگى ءرولىن تالقىلادى.

نۋريا نيازوۆا نەگىزگى زاڭدى جاڭارتۋ قوعامنىڭ قازىرگى سىن-قاتەرلەرى مەن سۇرانىستارىن ەسكەرەتىنىن اتاپ ءوتتى.

— 1995 جىلعى كونستيتۋتسيا تاۋەلسىزدىكتىڭ نەگىزىن قالاپ، ماڭىزدى ءرول اتقاردى. الايدا بۇگىنگى قوعام ءىرى وزگەرىستەر داۋىرىندە ءومىر ءسۇرىپ جاتىر — گەوساياسي جاعداي وزگەرۋدە، ال تەحنولوگيالىق پروگرەسس ءومىردىڭ بارلىق سالاسىنا اسەر ەتۋدە. سوندىقتان جاڭا كونستيتۋتسيا — بۇل ەلدىڭ ودان ءارى دامۋىنىڭ جاڭا لوگيكاسىن قالىپتاستىرۋ، — دەدى دەپۋتات.

كەزدەسۋگە قاتىسۋشىلار رەفەرەندۋم وتكىزۋدى قولداپ، مەملەكەتتىك باستامالاردى تالقىلاۋعا ازاماتتاردىڭ بەلسەندى قاتىسۋىنىڭ ماڭىزدىلىعىن اتاپ ءوتتى.

ەسكە سالا كەتەيىك، مەملەكەت باسشىسىنىڭ جارلىعىنا سايكەس قازاقستاندا 15 ناۋرىز كۇنى جاڭا كونستيتۋتسيانى قابىلداۋ جونىندە رەسپۋبليكالىق رەفەرەندۋم وتكىزۋ جوسپارلانعان.

Abai.kz