بۇل تۋرالى دەنساۋلىق ساقتاۋ مينيسترلىگى ازىرلەگەن زاڭ جوباسىندا كورسەتىلگەن.  قۇجاتقا سايكەس، جاڭا تالاپتار ەكى كەزەڭمەن ەنگىزىلەدى. 2027 جىلدىڭ 1 قاڭتارىنان باستاپ بۇل نورما جاڭا مەديتسينالىق ۇيىمدارعا قولدانىلادى.

ال 2030 جىلدىڭ 1 قاڭتارىنان باستاپ قازىرگى مەرزىمسىز ليتسەنزياسى بار ۇيىمدار دا قايتا راسىمدەۋگە مىندەتتەلەدى.

قازاقستاندا مەديتسينالىق قىزمەتكە بەرىلەتىن ليتسەنزيالاردىڭ مەرزىمىن 5 جىلمەن شەكتەۋ جوسپارلانىپ وتىر.

ۆەدومستۆونىڭ مالىمەتىنشە، وزگەرىستەر مەديتسينالىق قىزمەت كورسەتپەي، ليتسەنزيانى تەك مەملەكەتتىك تاپسىرىس الۋ ءۇشىن فورمالدى تۇردە پايدالاناتىن ۇيىمداردى تىزىمنەن شىعارۋ ءۇشىن قاجەت. 2025 جىلى قارجىلىق مونيتورينگ اگەنتتىگى وسىنداي 43 سۋبەكتىنى انىقتاعان. 3 جىل ىشىندە ليتسەنزياسىن ءوز ەركىمەن قايتارعان ۇيىمداردىڭ ۇلەسى ءۇش پايىز عانا بولعان.

"جاڭا جۇيە كادرلىق قۇرامدى، جابدىقتاردى جانە قىزمەت ساپاسىن تۇراقتى باعالاۋعا مۇمكىندىك بەرەدى. ليتسەنزيا ەلەكتروندىق فورماتتا راسىمدەلەدى، قاراۋ مەرزىمى 13 جۇمىس كۇنىن قۇرايدى. ليتسەنزيالىق الىم ءار بەس جىل سايىن 10 ايلىق ەسەپتىك كورسەتكىش مولشەرىندە تولەنەدى", – دەلىنگەن قۇجات جوباسىندا.

مينيسترلىك بۇل شارالار مەديتسينالىق قىزمەت ساپاسىن ارتتىرىپ، نارىقتىڭ اشىقتىعىن قامتاماسىز ەتەدى دەپ ەسەپتەيدى.

Abai.kz