اۋقىمدى ءىس-شاراعا مەرزىمدى قىزمەت ساربازدارى، كەلىسىمشارت بويىنشا اسكەري قىزمەتشىلەر جانە وفيتسەرلەر – بارلىعى 20 بولىمشەدەن 1600-دەن استام جاۋىنگەر قاتىستى.

جوسپارلى جاۋىنگەرلىك دايارلىق اياسىندا "باتىس" جانە "شىعىس" وڭىرلىك قولباسشىلىقتارىنىڭ اسكەري بولىمدەرى، سونداي-اق دەسانتتىق-شابۋىلداۋ اسكەرلەرىنىڭ بولىمشەلەرى 10 شاقىرىمدىق جاياۋ مارشقا شىقتى.

مارش بارىسىندا اسكەري قىزمەتشىلەر ۇرىس جاعدايىنا بارىنشا جاقىنداتىلعان ورتادا بولىمشەلەر اراسىنداعى ءوزارا ءىس-قيمىلدى جەتىلدىرىپ، تاكتيكالىق مىندەتتەردى پىسىقتادى. جورىق ويلى-قىرلى، تابيعي كەدەرگىلەرگە تولى جەر بەدەرىندە ءوتتى.

قاتىسۋشىلار بەلگىلەنگەن قوزعالىس قارقىنىن قاتاڭ ساقتاي وتىرىپ، تولىق اسكەري جاراقپەن تاپسىرمالاردى ورىندادى. قاۋىپسىزدىك تالاپتارى مۇلتىكسىز ساقتالدى. باعداردىڭ جەكەلەگەن تۇستارىندا جەدەل شەشىم قابىلداۋدى، مىندەتتەردى ناقتى ۇيلەستىرۋدى تالاپ ەتەتىن وقۋ تاپسىرمالارى ەنگىزىلدى. جەكە قۇرام بارلاۋ جۇرگىزۋ، لەكتى كۇزەتۋ جانە الىپ ءجۇرۋ، سونداي-اق شارتتى توتەنشە جاعدايلار كەزىندە شۇعىل ءارى ۇيلەسىمدى ارەكەت ەتۋ بويىنشا پراكتيكالىق ماشىقتارىن كورسەتتى.

اسىرەسە بولىمشەلەردىڭ ءوزارا ۇيلەسىمدىلىگىنە، باسقارۋ جۇيەسىنىڭ تۇراقتىلىعىنا جانە بۇكىل باعىت بويىندا جاۋىنگەرلىك ءتارتىپتىڭ ساقتالۋىنا باسا ءمان بەرىلدى. بولىمشە كومانديرلەرى قاتىسۋشىلاردىڭ جوعارى ءتارتىبى مەن جاۋاپكەرشىلىگىن ەرەكشە اتاپ ءوتتى. ارقالاعان اۋىر جۇك پەن كۇردەلى جاعدايلارعا قاراماستان، جەكە قۇرام توزىمدىلىك پەن تاباندىلىق تانىتىپ، جوعارى دالالىق دايىندىعىن جانە كەز كەلگەن جاعدايدا رۋحىن ساقتاي الاتىنىن دالەلدەدى.

بارلىق وقۋ-جاۋىنگەرلىك مىندەتتەر بەلگىلەنگەن مەرزىمدە، تولىق كولەمدە ورىندالدى. مارش-چەللەندج تەك شىدامدىلىقتىڭ سىن ساعاتى عانا ەمەس، سونىمەن قاتار كاسىبي شەبەرلىكتى شىڭداۋعا، كوشباسشىلىق قاسيەتتەردى دامىتۋعا جانە جاۋىنگەرلىك باۋىرلاستىقتى نىعايتۋعا باعىتتالعان ماڭىزدى دايارلىق كەزەڭىنە اينالدى.

Abai.kz