بۇگىن استانادا №15 قالالىق ەمحانادا جاڭا كونستيتۋتسيا جوباسى مەن جۇرگىزىلىپ جاتقان رەفورمالاردى تالقىلاۋعا ارنالعان كەزدەسۋ ءوتتى.

جيىندا استانا قالاسى ءماسليحاتىنىڭ دەپۋتاتى ءمادينا اجىكەنوۆا، Amanat پارتياسى قالالىق فيليالى ساياسي ءبولىمىنىڭ باسشىسى ابدىعاني ءبازىلحانۇلى، Respublica پارتياسى فراكتسياسىنىڭ مەنەدجەر-تالداۋشىسى جاقسىلىق كيىكباەۆ بيلىك پەن قوعام اراسىنداعى بايلانىستى نىعايتۋعا باعىتتالعان نەگىزگى وزگەرىستەر تۋرالى ەگجەي-تەگجەيلى ايتىپ بەردى.

كەزدەسۋ بارىسىندا ازاماتتاردىڭ شەشىم قابىلداۋداعى ءرولىن كەڭەيتۋ، مەملەكەتتىك ورگانداردىڭ جاۋاپكەرشىلىگىن كۇشەيتۋ، سونداي-اق جەرگىلىكتى ءوزىن-ءوزى باسقارۋدى دامىتۋ ماسەلەلەرى قوزعالدى.

وڭىرلىك دەڭگەيدەگى رەفورمالاردى ىسكە اسىرۋداعى ءماسليحاتتاردىڭ رولىنە ەرەكشە نازار اۋدارىلدى.

كەزدەسۋگە قاتىسۋشىلار وزدەرىن قىزىقتىرعان سۇراقتار قويىپ، كونستيتۋتسيالىق وزگەرىستەر ازاماتتاردىڭ كۇندەلىكتى ومىرىنە جانە ۇيىمداردىڭ قىزمەتىنە قالاي اسەر ەتەتىنىن تالقىلادى.

Abai.kz