ەلوردادا دارەت سىندىرعان ەكى شەتەلدىككە 5 جىل مەرزىمگە قازاقستانعا كىرۋگە تىيىم سالىندى. شەكتەۋ مەرزىمى – 5 جىل. بۇل تۋرالى استانا قالالىق پوليتسيا دەپارتامەنتى حابارلادى. 

الەۋمەتتىك جەلىدە شەتەلدىك ازاماتتىڭ دوستىق كوشەسى بويىنداعى مەكەمەلەردىڭ ءبىرىنىڭ ماڭىندا دارەت سىندىرعانى جايلى ۆيدەو تارادى.

"پوليتسيا قىزمەتكەرلەرى قوعامدىق ءتارتىپتى بۇزعانداردىڭ كىم ەكەنىن انىقتادى. ولار 35 جانە 49 جاستاعى شەتەل ازاماتتارى بولىپ شىقتى. ولار قازاقستان رەسپۋبليكاسىنىڭ اۋماعىنان شىعىپ ۇلگەرگەن. سوعان قاراماستان كىنالىلەرگە 5 جىل مەرزىمگە قازاقستانعا كىرۋگە تىيىم سالىندى", – دەپ حابارلادى پوليتسيا دەپارتامەنتى.

وسى فاكت بويىنشا قر ىشكى ىستەر مينيسترلىگى بۇل ادامدارعا قاتىستى ءتيىستى شارالار قابىلداۋ ءۇشىن قر سىرتقى ىستەر مينيسترلىگىن حاباردار ەتتى.

Abai.kz