جەتىسۋلىق جاستار بۇگىنگى رەفەرەندۋمدا وزدەرىنىڭ ازاماتتىق ۇستانىمىن تانىتىپ، داۋىس بەرۋدە. سونىڭ ىشىندە ارنايى ورتا جانە جوعارى وقۋ ورىندارىنىڭ ستۋدەنتتەرىن، جاس مامانداردى، بەلسەندى جاستاردى ەرەكشە اتاۋعا بولادى.

ماسەلەن، ءىلياس جانسۇگىروۆ اتىنداعى جەتىسۋ ۋنيۆەرسيتەتىنىڭ ستۋدەنت جاستارى مەن ۇجىمى – جالپى سانى 100-دەن استام ادام داۋىس بەرۋ ۋچاسكەسىنە ۇلتتىق كيىممەن كەلدى. بۇل قازاق حالقىنىڭ داستۇرىنە، مادەنيەتى مەن رۋحاني قۇندىلىقتارىنا دەگەن قۇرمەتتىڭ جارقىن كورىنىسى ءارى بىرلىك پەن ازاماتتىق جاۋاپكەرشىلىكتىڭ سيمۆولىنداي بولدى.

ال اقسۋ اۋدانىندا رەفەرەندۋم ۋچاسكەسىنە قاپال كاسىپتىك-تەحنيكالىق كوللەدجىنىڭ 250 ستۋدەنتى بىرگە كەلىپ, ءوز تاڭداۋىن ءبىلدىردى. جاس بۋىن وكىلدەرىنىڭ ۇيىمداسقان تۇردە داۋىس بەرۋى ولاردىڭ ەل تاعدىرىنا بەيجاي قارامايتىنىن، جاستاردىڭ بويىندا قوعام ومىرىنە دەگەن جاۋاپكەرشىلىكسەزىمىنىڭ قالىپتاسقانىن ايعاقتادى.

- ءبىز تاۋەلسىز ەلدىڭ جاستارى رەتىندە مەملەكەتىمىزدىڭ بولاشاعىنا بەيجاي قاراي المايمىز. سوندىقتان بۇگىن بارلىعىمىز بىرگە كەلىپ، ءوز تاڭداۋىمىزدى جاسادىق. بۇل – ءبىزدىڭ ەلگە دەگەن قۇرمەتىمىز, بولاشاعىمىزعا دەگەنجاۋاپكەرشىلىگىمىز، – دەدى قاپال كاسىپتىك-تەحنيكالىق كوللەدجىنىڭ ستۋدەنتى جانسايا جامالبەك.

سول سياقتى كوكسۋ پوليتەحنيكالىق كوللەدجىنىڭ ستۋدەنتتەرى مەن ۇجىمى قاتارىنداعى 200 ادام، تەكەلى كاسىپتىك كوللەدجىنىڭ 45 ستۋدەنتى رەفەرەندۋمدا بەلسەندىلىك تانىتتى.

بۇدان بولەك وڭىردەگى جاستار ۇيىمدارىنىڭ وكىلدەرى، جاس ماماندار جانە باسقا دا بەلسەندى جاستار ازاماتتىق پوزيتسياسىن ايقىن تانىتىپ، داۋىس بەرۋگە بەلسەنە قاتىستى. وسىلايشا جاستار مەملەكەتءتىڭ بولاشاعىنا دەگەن سەنىمءىنايقىن تانىتىپ، قوعامدىق-ساياسي ۇدەرىستەردىڭ ماڭىزدىلىعىن تۇسىنەتىنىن كورسەتتى.

اتاپ وتسەك، ورتالىق سايلاۋ كوميسسياسىنىڭ ساعات 18.00-دەگى مالىمەتى بويىنشا وبلىس سايلاۋشىلارىنىڭ 73,84 % داۋىس بەرگەن.

Abai.kz