الماتى وبلىسىندا جاستار ۇيىمدارىنىڭ كوشباسشىلارى ماقسات كەنەشەۆ پەن ادلەت ايتقازى جاڭا كونستيتۋتسيانى قابىلداۋ ماسەلەسى بويىنشا وتكەن رەسپۋبليكالىق رەفەرەندۋمعا قاتىستى. ولار قوناەۆ قالاسىنداعى رەفەرەندۋم ۋچاسكەسىندە داۋىس بەردى.

ماقسات كەنەشەۆتىڭ ايتۋىنشا، رەفەرەندۋمعا قاتىسۋ – ازاماتتىق جاۋاپكەرشىلىكتىڭ ماڭىزدى كورىنىسى.

«رەفەرەندۋمعا قاتىسۋ – بۇل تەك قۇقىق قانا ەمەس، سونىمەن قاتار ارقايسىمىزدىڭ ازاماتتىق بورىشىمىز. ءبىز، جاستار ۇيىمدارىنىڭ وكىلدەرى رەتىندە، ءوز ۇلگىمىزبەن قوعام ومىرىنە بەلسەندى قاتىسۋدىڭ قانشالىقتى ماڭىزدى ەكەنىن كورسەتكىمىز كەلدى»، – دەدى ول.

ادىلەت ايتقازى دا جاستاردىڭ قوعامدىق-ساياسي ۇدەرىستەرگە قاتىسۋىنىڭ ماڭىزدىلىعىن اتاپ ءوتتى.

سۋرەت: قر وسك سايتىنان الىندى.

«بۇگىن ءبىز ءوز تاڭداۋىمىزدى جاساپ، ەلدىڭ دامۋىنا ءوز ۇلەسىمىزدى قوستىق. جاستار بەلسەندى بولۋى كەرەك، ماڭىزدى ماسەلەلەردى تالقىلاۋعا قاتىسىپ، مەملەكەتتىڭ بولاشاعىنا اسەر ەتەتىن شەشىمدەردى قابىلداۋعا اتسالىسۋى قاجەت»، – دەدى ول.

باقىلاۋشىلاردىڭ ايتۋىنشا، رەفەرەندۋم ۋچاسكەسىندە جاستار ۇيىمدارى كوشباسشىلارىنىڭ بولۋى باسقا قاتىسۋشىلاردىڭ قىزىعۋشىلىعىن تۋدىرىپ، جاستار ءۇشىن بەلسەندى ازاماتتىق ۇستانىمنىڭ ۇلگىسىنە اينالدى.

Abai.kz