مەملەكەت باسشىسى قاسىم-جومارت كەمەلۇلى توقاەۆتىڭ باسشىلىعىمەن جۇرگىزىلىپ جاتقان اۋقىمدى وزگەرىستەر قازاقستاننىڭ كەز كەلگەن سىن-قاتەرلەرگە توتەپ بەرۋىن قامتاماسىز ەتەدى – ولجاس بەكتەنوۆ جاڭا كونستيتۋتسيا تۋرالى.

ۇكىمەت وتىرىسى بارىسىندا جاڭا كونستيتۋتسيا نورمالارىن جۇزەگە اسىرۋ جونىندەگى شارالار قارالدى. پرەمەر-مينيستر ولجاس بەكتەنوۆ ونىڭ زاماناۋي تاريحىنداعى ەل تاعدىرىن ايقىندايتىن ەلەۋلى كەزەڭ ەكەنىن اتاپ ءوتتى.

«ەڭ الدىمەن، بارشا قازاقستاندىقتاردى تاريحىمىزداعى اسا ماڭىزدى وقيعا – جالپىحالىقتىق رەفەرەندۋمدا جاڭا كونستيتۋتسيانىڭ قابىلدانۋىمەن قۇتتىقتايمىن!

بۇل – قازاقستاننىڭ زاماناۋي تاريحىنداعى ەل تاعدىرىن ايقىندايتىن ەلەۋلى كەزەڭ.

مەملەكەت باسشىسى قاسىم-جومارت كەمەلۇلى توقاەۆتىڭ باسشىلىعىمەن جانە قوعامنىڭ بەلسەندى قولداۋىمەن ەلىمىزدە جۇرگىزىلىپ جاتقان اۋقىمدى وزگەرىستەر قازاقستاننىڭ كەز كەلگەن سىن-قاتەرلەرگە توتەپ بەرۋىن قامتاماسىز ەتەدى»، — دەپ اتاپ ءوتتى ولجاس بەكتەنوۆ.

پرەمەر-مينيستر جاڭا كونستيتۋتسيا ساياسي تۇراقتىلىقتى نىعايتىپ، ەكونوميكانى ودان ءارى جاڭعىرتۋعا جول اشاتىنىنا نازار اۋداردى.

«اتا زاڭ ساياسي تۇراقتىلىقتى نىعايتىپ، ەكونوميكا مەن قوعامنىڭ بارلىق سالاسىن ودان ءارى جاڭعىرتۋعا جول اشادى.

بىرلىك پەن ادىلدىك، زاڭ مەن ءتارتىپ سياقتى نەگىزگى قۇندىلىقتاردى ورنىقتىرىپ، ۇلتىمىزدىڭ ۇزاق مەرزىمدى دامۋ باعدارىن ايقىندايدى.

ول ەلىمىزدىڭ ساياسي جۇيەسىنە حالىقتىڭ تولىققاندى قاتىسۋىنا، ازاماتتاردىڭ قۇقىقتارى مەن بوستاندىقتارىنىڭ قورعالۋىنا، ادام كاپيتالىنىڭ، عىلىم مەن مادەنيەتتىڭ، تسيفرلىق ورتانىڭ ساپالى دامۋىنا، ەكولوگيالىق قاۋىپسىزدىكتىڭ ساقتالۋىنا كەپىلدىك بەرەدى»، — دەپ اتاپ ءوتتى پرەمەر-مينيستر.

Abai.kz