الماتىدا بالالاردى جاڭا وقۋ جىلىنا دايىنداۋ كەزىندە وتباسىلاردى قولداۋعا باعىتتالعان رەسپۋبليكالىق «مەكتەپكە جول» اكتسياسى جالعاسۋدا. بۇگىندە الەۋمەتتىك وسال ساناتتارعا جاتاتىن 7 669 بالا كومەك الدى. اكتسياعا الماتى قالاسىنىڭ دەمەۋشىلەرى مەن مەتسەناتتارى دا قوسىلدى. بولجام بويىنشا، قايىرىمدىلىق كومەگى تاعى 8 160 بالاعا كورسەتىلەدى، ولاردىڭ 3 968-ءى قولداۋعا يە بولىپ ۇلگەردى.

بولىنگەن قاراجات وقۋشىلارعا مەكتەپ فورماسىن، كيىم-كەشەك، مەكتەپ سومكەسى مەن كەڭسە تاۋارلارىن ساتىپ الۋعا جۇمسالدى.

وتباسىلارعا بالالارىن وقۋ جىلىنا دايىنداۋدى جەڭىلدەتۋ ماقساتىندا قالادا مەكتەپ تاۋارلارىنىڭ 18 جارمەڭكەسى ۇيىمداستىرىلدى. وندا اتا-انالار قاجەتتى وقۋ قۇرالدارىن، كيىم-كەشەك پەن مەكتەپكە ارنالعان باسقا دا تاۋارلاردى ساتىپ الا الادى.

ءارتۇرلى سەبەپتەرمەن ءبىلىم بەرۋ پروتسەسىنەن تىس قالۋى مۇمكىن بالالارعا ەرەكشە كوڭىل بولىنۋدە. اكتسيا اياسىندا وقۋدان جالتارىپ جۇرگەن كامەلەتكە تولماعانداردى، بالالار ەڭبەگىنىڭ فاكتىلەرىن جانە باسقا دا پروبلەمالىق جاعدايلاردى انىقتاۋ بويىنشا رەيدتەر جۇرگىزىلۋدە.

بۇگىندە الماتىدا مىڭنان استام رەيدتىك ءىس-شارا وتكىزىلدى. ولارعا ءبىلىم بەرۋ جۇيەسىنىڭ، قورعانشىلىق ورگاندارىنىڭ، پوليتسيانىڭ، ۇەۇ-لاردىڭ، اتا-انالار قاۋىمداستىعىنىڭ جانە باق وكىلدەرى قاتىسۋدا.

ەسكە سالايىق، مەملەكەتتىك قولداۋ جەتىم بالالارعا جانە اتا-اناسىنىڭ قامقورلىعىنسىز قالعان بالالارعا، از قامتىلعان وتباسىلاردان شىققان وقۋشىلارعا، اتاۋلى الەۋمەتتىك كومەك الاتىن وتباسىلاردىڭ بالالارىنا، سونداي-اق ومىرلىك قيىن جاعدايعا تاپ بولعان بالالارعا كورسەتىلەدى.

تولەمدى الۋ ءۇشىن اتا-انالار نەمەسە زاڭدى وكىلدەر بالانىڭ ءبىلىم الاتىن جەرىندەگى ءبىلىم بەرۋ ۇيىمىنا جۇگىنىپ، ءتيىستى قۇجاتتاردى ۇسىنۋى قاجەت.

«مەكتەپكە جول» اكتسياسى جالعاسۋدا. ونىڭ باستى ماقساتى – مۇقتاج ءاربىر بالانى قاجەتتى مەكتەپ قۇرالدارىمەن قامتاماسىز ەتۋ جانە وقۋ جىلىنىڭ باستالۋىنا تەڭ مۇمكىندىك جاساۋ.

Abai.kz